قال الرسول
عليه الصلاة والسلام : "من صام رمضان إيمانًا واحتسابًا غُفِر له ما تقدم من ذنبه"
الله يجعلنا من صوامه وقوامه ومن المقبولين فيه
وطبعا معروف كمية الشغل والتعب علينا في رمضان
لذلك من المفيد اننا نتبادل الخبرات والمعلومات
للأستفاده ولتوفير الوقت والجهد
وحبيت اعرض بعض الافكار الحلوه في رمضان
ومنها
اذا شريتي كيس البطاطس المجمد فرغيه في اكياس اصغرعلى حسب استهلاكك اليومي بحيث انك ماتطلعين الكيس الكبير يوميا
والكيس الصغير تطلعينه من الفريزر للزيت مباشره
-------------------
دايما اذا جيتي تفرزنيين خلي الكيس بشكل منبسط او منفرش
بحيث انه يسهل تخزينه ويسهل اذابته
-----------------------------
اذا سويتي شيره لرمضان بكميه كبيره لاتحفظيها في جك ولا قدر كبير
احفظيها في علب كاتشب او هيرشي اسهل للاستخدام
--------------------
اذا كنتي بتفرزنيين حشوات لا تضيفين البهارات او اي منكهات الا عند الاستخدام راح يكون طعم البهار
مافقد نكهته من الفريزر
--------------------------
اذا بتحفظين الثوم افرميه واخلطيه مع زيت زيتون في الثلاجه ماراح يتغير
وممكن نحطها في قوالب ونثلجها وبعد ماتثلج نفككها ونجمعها في علبه وحده
وعند كل استخدام ناخذ قالب
وممكن الطريقه هذي نستخدمها
للبقدونس المفروم
والجزر المبشور
وتتبيلات الدجاج
|
 |
رد مع اقتباس