في داخلي جمر لكن مايدفيني ،،
من يشعل النار في صدري ويدفا بي
من يجمع الغيم بدينه ويسقيني
واصب عيني لعينه واحطب اهدابي
من ياخذ النوم من جفني ويسري بي
ويعلق الصبح قبل اصحى على بابي
تعبت اوطن بقلبي شخص ينفيني
تعبت اهجر حمام حب محرابي
تعبت اقط بحروفي من ساتيني
الناس تعجب وانا ما نلت اعجابي
يا اول الحب وينك او انا ويني
تغيب عني كانك تعلن غيابي
من غبت عني وانا والله ما ابيني
ضيقت خلقي وضاقت فيني اثيابي
اعد عمري الحقيقي واحسب سنيني
لقيت عمري معك ما جاوز اتعابي
طلبت قلبي وقلت ابشر ومن عيني
واعطيتك اللي تبيه وقلت باسبابي
يبذر بي الحب من صغره ويجنيني
لين شفتك صرعت الموت بترابي
حريتك معي لكن عطني ايديني
اخفي بها حزن متسلطن باهدابي
محتاج انام ودخيلك لا تصحيني
الا على انفاسك اللي تشبه اطيابي
للشاعر المبدع // محمد الوبير
|
 |
رد مع اقتباس
المشاركة الأصلية كتبت بواسطة عيووون المها
