حييّـت يـا جمـسٍ جـدادٍ مشاريـه **** عبّارتيـنٍ بميـة ألــفٍ شريـنـاه
أربع ميا وخمسين مـن عنـد أهاليـه **** آخر موديـل بعالـم الشـرق عـزّاه
حالف حـرام إنـي لاسوقـه واعدّيـه**** يوم إن ولْد أمّـه قصـر مـا تهقـواه
جمسٍ ليـا شفتـه عزالـك تقهويـه ***** يا ِطيْب طِيْب القهوجـي كـانقهـواه
سـوّاه لطـوال الشـوارب مسـوّيـه **** ما يركبـه يـا كـود حامـي حمايـاه
يا ليت راعي الجمس يومـه يسمّيـه**** على اسم عنتر والا بـو زيـد سمّـاه
حيثه شنب يستاهـل المـدح زاهيـه **** ملعون أبو مـن لا قمـز لـه وحيّـاه
منعزته ما ركبو أهـل الدلـع فيـه**** ولا سـوّقـوه أولاد دادا وداداه
ولا ساقهالخكري ولا احمـر عتاريـه**** وبنـات العليا مـا تعلّـن زوايـاه
ومن حشمته لاجيـت اسافـر اماليـه**** ولا خلّص المشـوار جيـت آترضّـاه
يا شيب عيني يوم آجيلـه والاقيـه**** مثل الذي وسـط الخـلا شـاف لامـاه
خطـرٍ ليـا ناديتـه يقـول: لبّـيـه **** ومن دون سايق يشتغـل مـن ورا ذاه
حتى وأنا في المسجد الفرضاصلّيْـه**** أدعي لجمسي يا عسى الخلـد مثـواه
يا وين أبلقى لـي حريـص ٍأوصّيـه **** لا غبت عن جمسي يـزوره ويرعـاه
صحيح من لايعرف الصقر يشويه **** والجمس صقر وكرم الله ملحّــاه
|
 |
رد مع اقتباس
المشاركة الأصلية كتبت بواسطة قولدن بوي
