نعم ثنتين.. نعم 2000.. نعم مليون ..!!
مثل جمرهـ بكفي نارها وقّـاد
مثل جرحٍ لبس فيني ثياب جداد
مثل حِـس المطر حبك
يجي فجأه بلا ميعاد
يجيني في سكون الليل
يجيني ويل
يجيني مثل نجم سهيل
عيونه تحضن عيوني
وقلبه صاير ٍ لي مهم
//
نعم مره ..
نعم ثنتين
نعم ألفين ..
نعم مليون
أحبك لو يصير الكون
حسود وعاذلٍ مجنون
أحبك ليش لا تسأل
أحبك لأنك الأجمل
بعيني يا بعد عيني
//
نعم والله أبي حبك
وأحلف إني أنا أحبك
ولكن بيننا حاجز وخوف وبرد
وعالم همها دايم تدوس الورد
نعم أبغاك تكون العشق بأوراقي
وأبيك الحرف وأبيك تكون لي مدادي
أبيك الناس وأبيك إحساس
وأبيك تكون لي معنى
وأبي أحياه واقعنا
يامشغلني وأنا توي أعرفك توْ
أنا ودي تشيل من عالمي هـ الـ لـو
تكون أقرب من عروقي إلى عروقي
وتصبح ضحكة في شروقي
وكل اللي تبيـبي سَـوْ
//
أنا روحك
أنا بوحك
أنا اللي في هواك آهيم
وأبني عالي صروحك
أنا منك
وأنا صدقك
وأنا ظنك
وأنا المكتوب في دنياك
وغيري مادرى عنك
أنا بسمه علت سنك
أنا تاج الوفا المحسوس
وطوق العاشق الملبوس
وزهرة مشردة في الريح
تبي تلمك تبي الدنيا تكون عيون
وإنت النون و أضمك !!
//
ياقطرة ما
أنالي رأي في حبك
يقول إنك لقلبي مزون
روت كل العطش فيني
نبت بأرضي ثمر حبك
شجر تين وشجر ليمون
وصار الجمر في كفي
مواسم زهرها يكفي
ربيع و صيف
و ريشة و سيف
و صار حبك بعد شفي
وكنت بنساك نهرفبي
//
نعم أهواك
نعم أهواك
نعم أهواك
وأظن الحب مايكفي
لأنه عاجز و مسكين
لأنه ما تْصَلـه سكين
لواحد ما عرف هالحب إلاالحين
لواحد ما جرى دمّه في قلبه
لين هو شافك
وصرت النبض فعروقه
وصرت الأرض
وصرت الجو فعيونه
وصرت الضي
ياسدرة وفيْ
//
نعم
نعم ثنتين
نعم 2000
نعم مليون
أحبك وأكسر الحاجز
وأدوس الخوفـ
وأدّفي بردي العاجز
وأهديك رغم أنف الزمن قلبي
وأحبك زود ..
//
//
الراااائع / علي عسيري
.
.
.
.. خالص المنى ..
|
 |
رد مع اقتباس