الســلآم عليكم ورحمة الله وبــركــآته
لو شفتني ياحبيبي منت عارفني ..
دمّرني الشوق / يقطع ساعة غيابك !!
إذا على الحال هذا منت شايفني
ياخوفي أنّك تثور وتفقد أعصابك !!
وأخاف دمعه تطيح وثمّ تكشفني
في غيبتك أو معاك آموت وأحيابك !!
مُر أنتظارك / ومَرّ الوقت ينزفني
عقاربه مع بعضها دوم تتشابك !!
العمر من دون صوتك حيل خوّفني
موحش غيابك وكثر الخوف ما جابك !!
وينه من أوّل بعد ماكان يعزفني
صوتك أمان وكمان ويعزف أحبابك !!
خذني معك كان ودّك صدق تنصفني
ألبسني مرّه مثل ماتلبس ثيابك !!
الحزن هذا بعد فرقاك كتّفني
رغم أنّي واقف ومستنّي على بابك !!
والدمع لي الشرف لاقلت : والفني
حتى أنت مرّه سألت : شطولها أهدابك ؟!!
الحزن ينبت على خدّي وسولفني
للناس / وأحيان مالومه إذا أغتابك !!
مما رق لي
|
 |
رد مع اقتباس
