يالعقاب اللي على المشراف وسع لي ...ترانـي
........ضايق (ن) من عاما الاول وادهله قبلك ...وادله
يوم ربي قد كساك بريش وش لك في ...مكانـي
.........ماتخاف مـن العقوبـــه يـــــــــوم تاتيـه ...وتحلــــــــه
دام لك جنحـان وش تبقـي بمشـراف البيانـي
.........خل مشراف الفقير اللي بـلا جنحـان ...خلــــــــه
ذا مكاني يوم رمح الغدر من حـره ...زوانـي
............ما لختالي علـي حجـه وانـا سلـه ...ودلـــــــــــه
وهو على ماقيل شماعـة همومـي ...لابلانـي
......صاحب(ن) ياكل يديه وهو على مذهب ...وملـه
وهو ملاذي عقب خالقنا جميع الى ...ضوانـي
...........ضيقـة فالصـدر ولا جاتنـي للدمـع ...خلـــــــــه
لابديته ماحسد راع التـرف واهـل ...المبانـي
...........يحسبون ان فرقهم واضـح علـي واقـول ... لله
سجة في راس مشرافي وانا اغطرف ...الاغاني
..........والله انها في عيوني عن ميـة فنـدق ...وفلــــــــه
فيه احس اني على احسن حال واني شخص ثاني
.........واتحلل مـن حــــرام الهـم لاجيتـــــه ... واحلـــــــه
وذا مكاني عقب ماصبري على كبدي ...كوانـي
.........والله ان كني عقب فرقاه بيـن كفـوف ...ملــــــــه
واحد(ن) زله حشاي ومسكنه بيـن ...المحانـي
..........مسكنه بين المحانـي والحشـا والصدر...زلـــــــــــــه
قلتها له قبل لا وقتي علـى الشعـر... يحدانـــي
...........خايف مالله يتمـم واعـرف ان فـلان ...علــــــــه
قال خل اشكوكك اللي تتـرك الـراوي ظمانـي
...........مايصيبك فـي جبينـك مـن خلقـك الله تشلــــــه
قلت ذا والله بلاي واشوف وش مدة ...زمانـي
...........لايكون اللي كتب لي (فارقه من غيـر ...زلـــــه
لا تضيـق مـن التشـاؤم واحتمـالات الأنانـي
..........خايف(ن) اشرب بعد كاس النصر كاس المذلــــه
قال وش تبغي بحكي الحزن والدنيـا ...فهانـي
.......... لاتعيشنا زمـان الحـزن قبـل يحـل ...حلــــــــــــه
قلت ماتدري وانـا الـداري بعاقبـة ...التمانـي
.......... غير عاهدني وريحني واشـل الحـزن ...كلـــــــــه
قال شفت الموت لو بيدي ماهو كفو ...لخذانـي
..........بس لاتشره علي لو لبسونـي غصـب ...حلــــــه
قلت اجل وانا وفاي من الجدي حتى ...اليمانـي
.........مرتضـــــي غيـــــرك ولااظنـه ولاظنـي ...لابــــالله
قال اجل سلم على روحك وانا كلـي ...تهانـي
..........يوم عرسك والله ان اهـل مجدولـي ...وافلــــــه
وراحت اسنين التلاقي مشيهـا مشـي الثوانـي
...........مادرى عن حبنـا الا ظـل محبوبـه ...وظلـــــــه
غير حول يالعقاب وخـل مشرافـي ...ترانـي
.........ضايق(ن) من عاما الاول وادهله قبلك ...وادلــــه
قلتها ماقصدي انـه يقـال صـح الله ...لسانـي
............قلتهـا لعيــــون مـن سبـب كتابتهـــــــا ...لعـلــــــــه
|
 |
رد مع اقتباس
