آمـــك ياوليدي آنا آمـــــك........!!

["فلة"]

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

~ ~ ~ ~

مو معقوله تجي منك وترميني لآي انسان


يلملمني ولا يلقى بعيوني غير دمعاتي




~ ~ ~ ~




انا ماصدق انك انت تنهيني من الوجدان



وترميني وانا اشوف القبر نادى مسافاتي



~ ~ ~ ~



وكسرنا الشتاء ياوليدي وانت بداخلي دفيان


تحملت الاسى والهـم عشانك يابعد ذاتي



~ ~ ~ ~



وصحى بي البرد واللا هو وانت بداخلي غفيان


تحملت السنين وياعسى على الله تلملم شتاتي



~ ~ ~ ~



انا امك ياهيـــــــه امك حملتك والعذاب الوان



ولدتك والالم سكيــن يركز داخل لهاتي



~ ~ ~ ~



وانا اثناء الولاده من بكى صوتك طعنت احزان



لاني شفتك بصوتك تنادي كل طموحاتي



~ ~ ~ ~



ومهدتك فعين وعين يشرب حزنها القران



وهزيتك وكان النور يتهزهز من دعاتي



~ ~ ~ ~




اضمك في يديني لاآآآ تجي وتقول انا بردان



تركت البرد لضلوعي روح اسأل رعشة شفاتي



~ ~ ~ ~


وزولك من ركض فيني لمست بداخلي اوطان



وتركتك تبني بمجدك على آكتافي انكساراتي



~ ~ ~ ~



وتذكر يوم مدرستك صدى وكفوفنا الحرمان



وكانت رنته فلسٍ خنقته لك بشيلاتي



~ ~ ~ ~




كبرت وصرت بعيوني شجاعن واشهم الفرسان



وحلفت اني على عرسك لارقِص كل شيباتي


~ ~ ~ ~



اسولف للبشر عنك اقول : ولا به اي نقصان



رضع عز الشهامه شب طموحه في معاناتي



~ ~ ~ ~



وله شان الصقر لا لا اخذ منه الصقر له شان



يجـي مثل الوضوء لا طب حنينه فوق راحاتي



~ ~ ~ ~



يقولون الولد هو خان اقول وليدي لا ماخان



وهم يدرون ماغطى منامي غير وناتي



~ ~ ~ ~



افاآآآ وشلون تتركني يكحلني عمى النسيان



وانت ادري فيوم الحشر جنه تحت خطواتي



~ ~ ~ ~



لك الله مانطق صوتي لك الا بدعوة الغفران



ولكن خوفي من حزني ومن دعوات عبراتي



~ ~ ~ ~


تدين اليوم ياوليدي وباكر للاسف تندان



ويرمونك مثل امك وتذكر حلم شيباتي

~ ~ ~ ~
منقول