ايش تاخذي معك للحج

["فلة"]

آلســلآم عليييكم
حيـآ آلله كل وحده بإسسمهـآ
أخبـآركم ؟ وأخبـآر تجهيزآتكم ؟
مآلي بالمقدمات بدخل بالموضوع ع طول
أكيد أغلبيه الحآجآت متوهقي
وش آخذ ؟ وش أخلي ؟ وش مهم
لآ تشيلين هم ولآ هم يحزنون
خلك معي خطوه خطوة وان شاء الله مرآح ينقصك شي
نقسمهـآ لنقـآط عشآن تكون مرتبه
نبدآهآ فيك انتي
اكيد تعرفين شنو الحج؟ وانه اذا كان حجك كـآمل ترجعين من الحج كأنك توك مولوده؟
استشعري هالشي وحسي فيه , اقري عن الحج اعرفي اركانه وشنو بتسوين ووش المحظورات فيه
كل شيء اقري عنه عشان يكون حجك كامل خلي هالفتره اللي قبل موعد السفر ! كله للحج
.. اعرفيه بكل تفاصيله من اول يوم لأخر يوم ! اعرفي انتي بتروحين متمتعه ولا مقرنه ولا مفرد
يا ما عرفت بنات ندموا انهم ما قروا عن الحج زين
صح اخذوه بثاني متوسط بس نسوه وراحوا يحجون وخبصوا الدني
هذا موقع الحج والعمره بيفيدك كثيييييير
http://www.2hajj.com/
بعدك انتي نجي لجَوآلك ()
انتي رايحه تحجين صح ؟ خلي كل شي ع جنب
اللي بيبي توقف الخدمه واللي ايفون تشيل الألعاب والأشياء اللي تلهي فيه
عشان لا يضيع عليك الوقت سوالف وهذره
فيه اوقات فراغ بتكون صامته ! <
انا اقولك شلون يعني مثلاً وانتي بالقطار !
تنتقلين بين المشاعر .. بيكون وقت ما تسوين فيه شيء !
يا تسولفين مع اللي جاي معك ولا يروح وقتك سكوت
عشان كذا لو حملتي محاظرات ولا قران بجوالك بيملى وقتك اولاً !
وثانياً بجيك اجر بهالوقت كله
حملي محاظرات احكام في الحج او سنن في الحج بتفيدك بعد
وفيه برامج للأيفون عن آلحج كثيييير
بس تأكدي انها تبع اهل السنة والجماعه
واما بالنسبه لجوالك من برا جيبي معك كفر احتياط والربط اللي ع الرقبه
عشان يكون معك وما يضيع وحاولي الكفر يكون حامي له
بعد جَوالك ! نجي لشنطتك
نقسم الشنطة أقسآم [ شنطة الإستحمام , شنطة التنقل , شنطة السفر الرئيسيه
شنطة الإستحمـآم ~
حطي فيها [ فرشة الأسنـآن + المعجون + الشامبو + صـآبونه + غسول +ليفه +مزيل عرق]
هذي الأسآسيآت والباقي وشامبو الجسم بدون رائحة عطره..... آلخ
تقدرين تستغنين عنها واذا ما تقدرين ! مو مشكله جيبيه
شنطة التنقل ~
هذي اللي بتكون معك شنطة يدك !
حطي فيها الأشياء المهممممه بس ! عشان ما تثقل عليك
مثلاً [ لبس واحد + مقلمة حطي فيها [ معجون + فرشة اسنان +علبة صغنونة شامبو + مخاليل
+ شاحن الجوال + كريم يد + واقي الشمس مهممم لأنك بتمشين بالشمس فترات خاصه اللي يسمروون بسرعه من الشمس
نجي لشنطة الرئيسيةة
راح تحتاجين قمصان (ارواب) اوبجائم تكون واسعة شوي ومحتشمة موزي الي نلبسها في البيت قصيره
اوبدون كم نص كم او طويل يكون افضل
لأن اغلب اللي بالحمله معك بيلبسون قمصان
فجيبي معك قمصان زينه وتواجه تقريبا ع عدد الأيآم 5او 4 يكفون
جيبي تنورتين سودا وكم بلوزه وتيشرت معك ليوم عرفه ولا تنسين لبس للعيد نعوم وب
لأن اللي معك بيوم العيد بيلبسون ويتعيدون واهممممم شيء الجزمممات الله يكرمك اذا جزماتك الله يكرمك مو مريحه بتتبه
خاصه انك بتمشين كثييييير
جيبي معك جزمتين احتياط ما تدرين عن الوضع
وجيبي شبشب حمام الله يكرمك لأنه هناك مافيه ومو كل الحملات يجهزونه
والمنشفه وحده لشعرك اللي تكون صغيره تلقونها ب ساكو مريحه وبسرعه تنشف ووحده لجسسمك
وحطي في الشطة الريئسيه شنطة الاستحمام
خوذي وياك بنطلون سترتش اسود مريح لك بالمشي
والملابس الداخليه حاولي يكون فخاذي مو كل
لانه بيسبب لك احتاكات وكذا
وكثثثري ملابس داخليه لانك مراح تغسلين
وراح تتحممين كل يوم تقريبا
فيه أشيآء رآح تحتآجينهـآ
لاتنسي اخذعباة ثانيه ومقلمه وغطوه
خذي معك بعد شرشف صلاة وسجادة تكون خاصة فيك
بس كل وحده يختلف احتياجها عن الثانيه
فأنـآ بكتبها وانتي بحسب حاجتك لهها حطيها بالمكان اللي تبين
[ بندول + فيتامين c فوار + حبوب الحلق + بلاستر + مسحات طبيه + معقم ايدين + كريم يد +
لابيلو + فوار+ ربطات شعر + بنس + مشبك الطرحه عشان ما تتعبك وتطيح كل شوي +اذا كنتي من
النوع اللي يبرد ممكن يكون فيه ايام برد فخذي وياك بلوفر ولا شيء يدفيك + فازلين + فكس+ كريم عضلات]
(ممكن يجيك مغص خذي معك يانسون نخوه صغيره+قشر مطحون اذا حبيتي قهوه خفيفه+زنجبيل اخضر
+هوند بلاستيك من شان دق الينسون والزنجبيل يوجد مطبخ في المخيم لكن تنقصه بعض الكماليات الضروريه
وهذي نصصـآئح أتمنى تفيد
اول شي خوذي معك نوته صغنونه
حتى لو كنتي مو من النوع اللي يدون يوميات
وككذا . لأن الحج مره بالعمر واول مره تفرق عن المرات اللي بعدها ابدي اكتبي فيه من الحين
عن شعورك قبل الحج . ورقه التجهيزات حقتك كل شيء اكتبي فيها , وبالحج قبل لا تنامين اكتبي يومك
كيف مر وايش سويتي وش اللي كان صعب عليك ؟ ووش حسيتي وانتي تشوفين الزحمه والناس كلهم
جايين يحجون , مشاعر لو كتبتيها واحتفظتي فيها والله كل ما رجعتي تقرينها بتحسين انك للحين في
الحج اكتبي كل شيء بتفاصيله , واذا كنتي تكرهين الكتابه حبيها بس بهالأيام السبعه
ثاني شيء خلي ببالك هالآيه " فلا رفث ولا فسوق ولا جدال في الحج " راح تشوفين اشياء كثير ما
تعجبك وتنرفزك بس لا تعلقين ولا تحشين واكتميها عشان لا يخرب حجك لا تستغربين
لا كان معك بالحمله ناس يتهاوشون ع الأكل و ع مين يتحمم اول و ع اتفففه الأشياء
لا تصيرين منهم خلك فاهمه وواعيه انك جايه تعبدين ربك واستشعري ان هالايام ايام فضيله وجاهدي
نفسك لا تغتابين احد ولا تذكرين احد الا بكل خير خلي الناس لناس وخليك لنفسك
ووقت الزحمات بالطواف وبالسعي ممكن يصقعك احد من هنا ويمشون ع رجلك ويضربون كت
ويمشون ع عبايتك .. لا تهتمين وابتسمي ولا تتأففين وتنقلب السالفه
كثير من البنات يحجون مع بنات خالاتهم واقاربهم وناس يكونون بعمرهمانتبببهوا انتبهووو تروح عليكم الأيام الفضيله وانتم سوالف حتى لو كان بدون حش وبدون نميمه
لاحقين ع السوالف لا رجعتوا خلكم الحين مع مصاحفكم وكتب الذكر ولا تتركون الأهم وتلهون
بالجلسات والجمعات
ممم بالنسبه للي معكم بالحمله
فيه حريم الله يصلحهم يفتون من عندهم ! عشان كذا تأكدي انك تآخذين الفتوى من احد كبير وعنده
علم عشان ما تتوهقين , واذا سألك احد وانتي ما عندك علم لا تجاوبينه قولي ما اعرف
نصييييحه من قلب
اذا كنتي مو من النوع اللي يمشون كثير وكذا
ابدي من الحين اطلعي مع اخوك ابوك زوجك اي احد امشي مسافات طويله
بتتعبين اول يومين وتورم رجولك وسالفه
تتعبين الحين ولا تتعبين بالحج , لا مشيتي الحين بتتعودين على المشي ولا جاء وقت الجد و
مشيتي بيكون سسهل عليييك مررررره ولا راح تتعبين ان شاء الله
شيء مهم بس حنا نغفل عنه
فيتامينc الفوار !!
تعرفون موسم الحج موسم يتغير فيه الجو وكذا وتكون الانفلوزا عند الكل
فيتامين c من الحين ابدي خوذي كل يوم وحده ’ بإذن الله بيحفظك من الإنلفوزا
وهده الحيل بالحج
بالنسبه للبنات اللي موعد الدورة عندهم مو مناسب مع الحج ولازم يستعملون حبوب وكذا
لازم قببببل تروحون الدكتوره وهي اللي تحدد لك شتسوين ؟ مو من نفسسسك
قريبتي العام اخذت حبوب ذكروها لها بدون لا تستشير ولا شيء ! ولما رجعت من الحج جلست 3
شهور ما جتها وبعدين تلخبطت عليها وسالفه
فأحسن لك روحي وهي تعطيك اللي بيناس
ممم نقطة مهمه
لا جيتي ترتبين الشنطة اكتبي قبلها كل شششيء تحتاجينه
ولما تدخخلينه اشطبي عليه عشان لا تنسسين شيء
ولو ترتبينها من الحين يكون احسن واريح لك عشان ما تتوهقين آخر الأيام وتنسين اشياء
اسأل الله لكم التوفيق
أتمنى اني أفدتكم لو شوي
الله يتقبل حجتكم وييسرها لكم وترجعون لدياركم توكم مولودين
ادعوا لأنفسكم ولأهلكم وللمسلمين كلهم
انتهى الموضوع
واللي عندها اضافه لا تحرم الحاجات منها