باكر تسافر

**"فلة"** · 28 -11- 2011, 02:33 AM


	باكر تسافر واكتم الشوق عبرات ... باكر تسافر واصدر الحزن مالعين لك عذب المشاعر لحون نبظات ولا انت واحد والخلايق ملايين فن الهوى يعشق غرام العبارات وانا وشعري والمشاعر سلاطين لكن تأكد سفرتك انت بالذات سوت بقلبي للمفارق عناوين بالهون يا دمع العيون الرميشات بالهون يا خلي وزهر البساتين بالهون يا قدرن رسمته غرامات بالهون يا قلبي وقلبي وقلبين بالهون يا شخصن عرف كلمتي هات بالهون يا عيدن وصل قبل عيدين بالهون يا ضفّه تفصل محيطات بالهون يا مسافر مدري على وين اشتاق وارسم من الشوق غايات حتى القصايد شوقها فيني حزين مدري تسافر ولا قلبي بسفرات ما بين بعدك والفرح دمعة سجين البعض يجهل علم نثر الروايات والبعض يجهل قدر ناسن عزيزين مثلي يقاسم ظيقته للملفات ومثلي يصارع رغبته بالسكاكين وانا حبيسن للوهم والمحاتات دايم اشوف ان الغلا يحتاج تنوين ودايم اشوف بؤم عيني متاهات ودايم اميز بين وقتي ومابين لحظة وداعك قلت يا شوق هيهات لحظة وداعة تحفر بداخلي سين هل ابصبر على فرقاك الرقيقات.؟ ولا ابنحت باليأس كلمتي وين قدرن تعلّى فوق كل المجرات صعبه افارقه حتى ولو كان شهرين الله يردك لي وتقصر هالمسافات غالي وغالي وهذا الغلاا من سنين تبكي دموعي غيبتك دون وقفات وادري بعد باكر مثلي بتبكين ببقى على حطة يدك من علامات وتبقين لي نبظي وحسّي والحنين سافر وارجع وانتظر منك لحظات باكر بخط بشفّتك مني دواوين سافر وانا مبتسم عشر بسمات وارجع ولك كل بسمتن عن ثمانين