لاضقتِ ضيقت خطاوي جرة النمله=وحترتِ في دمعتي وين اناأوديها
الهم همي ودمعي في هوى المقله=أكتب وحبري في عيوني وأسرّيها
عاالهاجس اللي طرى لي وأتنصت له=حرك جروحن على ربعي مداريها
سبة وليفن والقلبِ ماعشق قبله=يبدي المشاعر في غيابي ويخفيها
صلاّبي شرقن والخليقه الى قبله=في ديرتن دوّجت فيها وأغليها
وأنا في ودي لها كما هوى عبله=أبطش جميع العرب لاجوا أراضيها
شلت فؤادي الين القلبِ في علّه=وعلّة خفوقي عسى خلّي يداويها
لا جا سواد الليلِ وأصبح كما الكحله=وقامت نجومه تبين لي مثانيها
روضت فكري والهاجوسِ على الجزله=وأوصف حنايا مفاتنها وأرويها
ولا جا نهاري عنايه عدت في شعله=يكشف حقيقة هواجيسي ويطويها
وأطوي يديني على حالي بلا حلّه=وأبكي على حالي لين الله يسويها
|
 |
رد مع اقتباس
