لاتوادعني دخيل الله لاتبكي عيوني

. . . وانت عارف شنطتي دمعي وضيقاتي متاعي

سفرتي .. ومفارقك .. والبعد .. للضيقه حدوني

. . . حسبي الله والوكيل الله على بعض المساعي

سيدي ... والذاكره حيه ولاكنهم نسوني

. . . الله يثبت ركون القلب في لحظة وداعي

إيه أنا مسافر ولكن شفني مسافر بدوني

. . . أنت نفسي ... والسفر موحش ولا له أي داعي

الله يديم الثلاث اللي بفقدك صبروني

. . . حاجتي لك .. وارتباطي فيك .. والشوق الجماعي

كانهم في رحلتي هذي يبون يوزعوني

. . . بس عادي لايهمك وانت في يدك إجتماعي

كل ماطروآ سفر الايام عندي ضايقوني

. . . لا يطروون السفر والدمع غيمي وانت قاعي

الله يحفظك ,، ويحفظني لوإن الموت دوني

. . . والله يخفف هبوب الريح لاتجرح شراعي

في امان الله .. واسمع : كل ربعي وادعووني

. . . وانت وادعني وعطني (تذكره رحلة ضياعي)


’

لِ عبدالله بن ذويبان