لــــــــــــــــعنة الموضه
من جذوذ الجرح اهدي لك قبس
سقتها والعلم مقبوس اقتباس
ضايقن صدري وادورلي نفس
يابشر والطيب له ناس ٍ وناس
لي خفوقن قبل يلقاها احتنس
وصور الموضوع ياآمه احتناس
مايهز الراس تخطيط الخسس
البلا في الوقت اتكدر وخااااس
وقت فيه الدين تشريع القسس
واستوو اهل المذاهب والقياس
قلت يمكن فيه امرن والتبس
وقلت حيره وقلت زمرة ابتلاس
وقلت صيحه وقلت تقليد وهوس
لين شفت الكل في دنياه هاس
المراجل حالها شفته انتكس
وصادفة بالوقت عثره وانتكاس
ولابقى بالوقت سمن ولاودس
والخناء والخنث اتزعم وداس
العري موضه تباع وتلتبس
وصار طيحني من اجملها لباس
وبابا سامحلي مخليها ونس
دغدغ العالم وسيطر باالحواس
الكرامه استنهكت بيد النجس
والعهر بأديارنا استوطن وجاس
مابقابه شي يقرع له جرس
ولابقابه شي ترعدله ذراس
مثل صحن الفول وإلاكاالعدس
الخناء في كل ذي الدنيا اساس
لعنة الموضه بها الكل انغمس
ولابقى منكر ولا معارض وآس
ولابقى باالغيد صوتن لاهمس
تنتعش منه المعاليق اليباس
ضاعت الشيله وطرفن لانعس
من ورى البرقع يذوب كل قاس
سااااحة العفه كما جامد حمس
ولا بقابه فتح ولا دامة حماس
|
 |
رد مع اقتباس
بارك الله فيك وحفظك ورعاك أبوفهد