تعالي وش خذيتي قبل لا تروحين قولي لي
ترا إنكانك خذيتي القلب يمين الله غلطانه
دقيقه إنكان ماتدرين أبي أبين لك ميولي
أنا لوقلت لك حلوه غشيم وزلة لسانه
أبد لاتفرحي مره غشيم وفيك مذهولي
علامك أركدي لحظه خلي الشوق وجنانه
تريني شاعر وأقدر أقلك هرج معسولي
وأقلك صدق مامثلك بخلق الله أنسانه
وأقلك فيك مفتون مولع حيل مقتولي
يصير الكون مركب لوول واحطك فيه
ربانه
آطوق نحرك انجومي وعقدي بدر مسقولي
وآلبسك القصايد ثوب مطرز بأسم قيفانه
أسمعك الكلام آلوان مفهومن ومجهولي
عبارات بأسم الوجد والتلويع مليانه
أسكنك الغرام اقصور وأصب الحب محلولي
وآقهويك الوله كاسات بكل الزيف رويانه
تبين الكون ملك يديك قولي بس وتنولي
مادامت كلها تاقف على الشاعر وشيطانه
في ملكك جيشي إحساسي فتوحاتي لك وصولي
آطرد باما من داره وسودي في ثرا أوطانه
أملك الرمال كنوز صولي وحدك وجولي
من هي مثل بنت فلان من هي مثلها
فلانه
نسيتي محكم التنزيل في الشعار به قولي
تبين آطبق الأيه بتكونين خسرانه
نهيم بكل وادي أكيد كلام بدون مفعولي
نقز الكون شبر بشبر كهوفه وعذب غدرانه
ولاكن حسك آتقولي إني عنك مسؤلي
من آولها وآنا أقلك يمين الله غلطانه