بسم الله الرحمن الرحيم
بأسم تالا فقيدة الشعب والأمه
وبأسم أم تالا وكل معلمات المملكه المكلومات ارفع هذه الأبيات المتواضعه إلي مقام خادم الحرمين الشريفين ملك الأنسانيه راجيا ومتوسلا
تصحيح وضع بناتنا المعلمات اللواتي يعانين مشاق السفر والبعد والترحال في سبيل رسالة التدريس
معرضين أنفسهم وذويهم للمخاطر والهلاك


كل ماشفت بنتي خلت تالا وبكيت
من عذاب الفجيعه ومن مرار الفراق
وارفع ايدي لربي بكل ماله دعيت
يصبر اللي حشاها لوعة البعد ذاق
وجيت أنظم بيوتي بيت يتلاه بيت
من ضميرن تفطر في نحافن دقاق
يأم تالا عوضكم عند رب رجيت
يجعل اللي طعنكم في جهنم حراق
وياوزيرالمعارف كان صوتي وحيت
لاتوقف كما اللي منكسر فيه ساق
دم تالا آمانه وانت فيصل رأيت
شي طقنا وشي لا ولا ما يطاق
مابقا إلا تعين بنتنا في الكويت
وإلا يمكن تجند في صفوف العراق
كم فتاة آمانه عن أهلها تبيت
تشتكي للزوايا بعدها بحتناق
وأنت لاهي وكنك عنها مادريت
وآعنا بنتنا اللي صدرها بعد ضاق
تمشي ادروب لوك لاولامامشيت
تاطا لجل المعارف التعب والمشاق
وكم عروسن توارت لمها شمل ميت
وخلفت كم وراها حسرتن واختناق
شوف كم الحوادث كان ماقد حصيت
كم ياعرض عذراء تزهقونه زهاق
وياابومتعب دخيلك ياملكنا نصيت
شخصك اللي وربي ما يحب النفاق
بناتنا هم بناتك وانت والله وفيت
كل عهدن قطعته منك اصبح وثاق
قبل قولت لوإني وإلا قولت ياليت
اطلبك ياابومتعب اللحاق اللحاق
عرضنا هو آمانه وانت والله حميت
عرض ذا الكون والله بعد ربي ولاق
فيك اسم الأبوه يا ابونا وجيت
اطلبك حل هذي المعظله بحتذاق
بأسم كل العذارء ياملكنا نخيت
شخصك اللي يداوي كل جرح فتاق
دم تالا آمانه عند مثلك وعيت
ودم باقي العذارء طالبك لا يراقنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي