موضوع مهم وبسيط أتمنى تقرونه بأقبال وصدق..وتعملون فيه
نبغى نرجع لطبيعتنا الطاهره
ودي ابدى بموضوع بس ماريد أقول حلال..؟حرام..؟
بس بسأل كم سؤال...
أنت` وأنتي`
س١.تحط راسك ع لمخده وأنت متأكد بيرد الله لك روحك الصبح..؟؟
إذا ماكنت تسمع أخبار أو حوادث ترى كثير ناموا وقبضت روحهم وهم نايمين!!
س٢.هل تطلع بشارع وتركب {مركبةالموت السريع} سيارتك..
وأنت متأكد أنك بترجع سالم..؟؟
طيب جاوب.!!
متأكد؟؟
هل لما تفكر بمشروع[زواج.سفر. شركه.بناء.محلات. موقع اباحي.قناه فضائيه.تجهيزعمل منكر]
واثق أن الله بيمهلك لين تنجزه..؟
وأنت..تهاون بصلاه..أوماتصلي...؟؟ طيب فيه شخص عرسه بعد أسبوع وكان نشيط وفرحان وأكيد كل ليله أحلام وأماني ..بالله تضنون أنه بلحظه فكر بالموت؟؟..
تعرفون وش صار...
شاب بريعان شبابه وحيويته..كان بقمة فرحته وبهجته يرش بمنزله ماسك أنبوب الدينمو ويرش بدون مايحس دخل المي بأحد كيابل الكهرباء .. فجأه..بمنزله..
بأأمن مكان بدنيا
وجدوه ملقى على الارض ميت!!
تضنون لوكان يدري قبله بدقايق وش كان أول شي سواه..؟
تضنون كان فكر عرسه بأي قصر..؟ ولاكان أهتم برش الزرع؟؟
أنا أقولكم
أكيدكلكم بتتفقون معي أنه بيطيح على الارض يسجديبكي ويصيح بيستغفر بيتشهد بيدعوا وبثواني راح يسترجع شريط حياته ويعرف أنه عصى ربه وأهمل وأسرف بالمنكرات..راح تكون حياته كلهاماتسوى دمعه ينزلهاخشيه من الله أوتوبه يعلنهالملك الملوك.
مشكلتنا..مانحط نفسنا بالموقف!
ومانتخيل أن ممكن هالحادثه بتمرفينا بيوم من الايام؟
بس للأسف ماناخذ العبره من غيرنا...
ننتظر لماالناس تتعظ فينا...
عارفه أنكم بتتأثرون شوي أومشاعركم تتفاعل معي شوي.. بس الصادق منكم اللي يبدى خطوه ويثبت الايمان بقلبه ويقول..ببدأ صفحه جديده..لمصلحته هو مش لمصلحة أحد ثاني..خيرله هو أستقرار له هو..
::قصه ثانيه::
بنت خطبت وفرحت وحددو عرسهابقى كم يوم بس..راحت سافرت مع أخوها من قريه الى مدينه لجل تجهز نفسها بأشياء ومستحضرات وملابس أفضل وأرقى من اللي بقريتها.. لاكن للأسف كان أرقى شي أشترته من تلك السفره {كفن ابيض} من ارخص وأبسط البضائع..؟؟
أخواني لا أحد منكم يخاف"""" من هالحوادث هذي..لاحد يوسوس!
خلك قوي..واثق! مؤمن!طاهر النفس!
تعرف كيف..؟؟
ببساطه لاتعقدون أنفسكم بكتب لكم برنامج ليومك..برنامج سهل..خفيف..
به {يرتاح بالك} و{تقوى} و{ماتخاف من الموت}و{يطمن قلبك} و{تنام مرتاح}
١¤الصلاه: مميزه والوحيده<من أركان الاسلام>اللي تمارس يوميا..مدتها دقائق..أخشعوا فيها أستشعروا الايات فيها تدبروا معانيها أقبلوا عليها بصدق وأيمان
كل اليوم ملك لكم
أفعل ماتشاء بس حافظ ع هالدقائق لربك حتى تملك{الراحه النفسيه}
وأصلا لو نجمع وقتها تعرفون كم يطلع؟ إذا قلنا كل صلاه ٥دقايق...
تطلع مجموعها ٢٥ دقيقه! يعني أقل من نصف ساعه في اليوم؟ ومعكم ٢٣ ساعه..باليوم.. ماتكفيكم..؟؟
بقول معلومه هي سبب من أسباب مواضبتي ع الصلاه وحتى لو ماقدرت أخشع.. أخشع نفسي غصب
تدرون أني قريت حديث ماأذكر نصه بس فهمت معناه..أن فيه ناس تصلي..وتصوم.. وتزكي..وتدعي. .وذابحين نفسهم بس كل تعبهم راح ع الفاضي..يعني ماأخذو غير التعب!! ليش..؟؟لأنهم ماأخلصوا لله إذا صلوا: (صلوا لجل فلان ناظر لهم.أوصلوا وهم غافلين عن الصلاه مايذكروا أيش قالوا..قلبهم مشغول؟أوصلى لجل أحد يمدحه!
أو صلى الظهر والعصر وآخر المغرب وترك العشاء ونام عن الفجر..لا هذي الحركات تتعبك ع الفاضي خلك صاحب همه وعزيمه لجل تعيش صح
كل اللي أنت تركض وراه تراك ماخلقت ع شانه..!!
سبب وجودك..؟ عبادة الله..فكروا شوي بهالنقطه..
إذا صام¤: نام كل اليوم وسهر كل الليل على أيش..؟ {على التمثيليات..ع الاغاني..ع البرامج اللي فيها
ويتابع البرامج بجنون عشان المذيع أوالمذيعه جذاب أوحبه وقعدينتظرويعد الدقايق لجل يحظره وهات من نظرات الحب ونظرات الشهوه والرغبه ممايقوده الى أساليب
وسخه قذره في نهار وليل رمضاااان
فوق هذا وين العباده...؟
لوتدرون وش عظمة رمضان ومدى المغفره والرحمه فيه كان ماضيعتوا ولا ثانيه منه..كان تاجرتوا أعظم تجاره
تجاره مع الله..ماهي مع فلان وعلان..؟
رمضان ضيعتوا هيبته وروحانيته ..
صار أسواق وتبرج وطلعات..وسهرات على منكرات...سقى الله أيام زمان أيام النقاء والبساطه والحياء ..قبل <الفضائحيات> قصدي الفضائيات!!
اللي ماتركت شي عيب..أوحرام..؟.
دمرت عقول الناس
حتى الكبار ماقاموا ينهون أويرشدون أويحذرون صار كل شي عادي
والجوالات دخلت الرجال بيوتنا وأنتهكوا محارمنا
البنات ضيعوا نفسهم {شفتوا قلت لكم إذا أستطردت بالكلام تعمقت بمواضيع ذات صله لذلك بأختصر}
رمضان خططو له حطو برنامج
عشان تكسبوا المغفره والرحمه والعتق من النار} لله در الصحابه وين حنا منهم؟؟
ست شهور يدعون الله يبلغهم رمضان
وستةشهور يدعون الله يتقبل منهم!!
يعني كل السنه هاجسهم رمضااان.
اللي الحين ماندري إلا ومابقى عنه شهرأوأقل..؟وليش ندري؟؟عشان نشتري طلبات تكفي سنه كامله..؟الشكوى لله
كأن حنا سامعين بحرب ونتجهزلها..
هوجوع وتقشف وحنا نطغى بكثرة الاكل..والمصيبه أن
الحكمه منه{ الشعور بمشاعرالفقراء ولمساكين ومواساتهم..؟}
إذا زكى¤: دفع وأعطى من مال ماهو متأكد من مصدره
أوأخذه بدون أستأذان أوسرقه..أويمكن مشترك بربا بشركه أوبنك أومؤسسه أوماخذه من مال أيتام.. هذا بالله كيف يتقبل..؟؟ أحذروا وأنتبهوا..
كذا ماتستفيدوا من صدقتكم..
||||
هلحين تكلمت عن الصلاه..والصيام.. والزكاه..وأسباب عدم قبولها..
هلحين بقول برنامج مختصر
برنامج للعباده بسيط..
طبعا..
¤الصلاه بوقتها..
¤ قراءة الأذكار عند الصباح والمساء..{تعرفون وش الحكمه من الأذكار..{١عباده لله ٢تحصنكم من كل سوء يعني لا
تخافون من <عين.حيوان مفترس.من مرض{لان بعض الامراض عين! تروحي أي مكان وأنتي مطمنه ع نفسك وعيالك}
ا¤الصدقه: بشكل أسبوعي أوشهري والمبلغ أي شي سواء فلوس أوطعام أولبس أوجهاز منزلي أوشحن لانسان مغترب ضعيف يكلم أهله..أو هالعمال بعضهم ينام جيعان أوياكل خبز لجل يجمع فلوس لاهله وعياله..وحنا الحمدلله بخير خيرنا وواجد..
أوعمال النظافه
كيس فيه ماء وسندويش و عصير وش يكلف ٣ريال؟؟بس يفرح الفقيرويداوي جرحه!
أوأنتي اللي تقرين كلامي هذا وماعندك فلوس ..من بيتك أعطي.. اللي يبقى من طعامكم..وعلبه فاضيه عبيها ماء بارد وأرسليه مع ولدك للعمال أوالجار المحتاج..
عندك سكر ورز كثير حطي بأكياس وأرسلي لهم..بس بعلم زوجك..أومن فلوسك الخاصه..
أي شي ينفع ويحسس غيرك بمشاعر الاخوه وترابط والالفه..ويرسم البسمه ويطمن النفس
لاتقولوا مافيه أحد محتاج...وربي واجد.. بس يستحون يطلبون لاكن اذا جاهم شي فرحوا وأستانسوا...واللي عنده امكانيه يكفل يتيم أولقيط أويساعد أرامل وعجايز محتاجين الحين كفالة اليتيم بس ب ١٠٠ ريال شهريا"""" يابلااش كل شي صار سهل ميسر!ترافق الرسول عليه الصلاه والسلام ب١٠٠ريال شهريا
لا وبعد ماتعني نفسك وتروح كل شهر وتدفع ..لا.. عن طريق تحويله بحسابه أتوماتيكي يسحب من راتبك بدون تعب..تكون صدقه جاريه وأجرها ينفعك يوم تلهث تدور الحسنه وتمناها..صدقه قليله متواصله خير من كثيره منقطعه!
فهمتوا..بوقف أستطرادي عن الصدقه وأنتقل لعباده أخرى..أتمنى أنكم ما مليتوا من كلامي!!
ا¤السنن الرواتب: قال الرسول عليه الصلاه والسلام { مامن عبدا مسلم يصلي لله تعالى كل يوم إثنتي عشرة ركعه تطوعا غير الفريضه إلا بنى الله له بيتا في الجنه}
هذي سهله ١٢ ركعه تبني لك بيت في الجنه...آه وين الهمه والايمان..؟
¤قراءة سورة الكهف: {من قرأ سورة الكهف في يوم الجمعه أضاء له من النورمابين الجمعتين}
ا¤آية الكرسي: قرائتها بعدكل صلاه.. تعرف جزائهاإذا مات دخل الجنه..! هي تكلفك شي..؟؟
¤صيام الاثنين والخميس: أن الاعمال تعرض في الاثنين والخميس يقول الرسول أحب أن تعرض وأناصائم..
أو
¤صيام الأيام البيض: وهي٣ايام من كل شهر{١٣_١٤_١٥}
وهي كصيام الدهركله.
تلاحظون أن طرق جمع الحسنات واسعه وكثيره وأجورها عظيمه
ا¤الصلاه على الرسول: صلى الله عليه وسلم،،، في كل وقت وأي وقت..والتذكير بها..-قال{اكثروا من الصلاه علي يوم الجمعه،فإن صلاتكم معروضه علي}-وقال{من صلى علي صلاه،صلى الله عليه بهاعشرا""""} فأخواني ادعوكم لأموربسيطه بس أجرهاعظيم أغتنم الفرصه ولحظات أدخرلغدا""""فأنت اليوم بسعهوغدا..سنحتاج لكل لحظه أسرفناها؟
ا¤الأستغفااار:
مفتاح الخير والراحه والفرج..
سمعنا قصص كثيره جدا عن فضله وعظم شأنه..وأنا جربت بنفسي..وذكرتها في موضع آخر. والحمدلله
الاستغفار مفتاح الرزق..والمال.. والولد..والمطر والخير..
فمن له حاجه فينوي به..أما لطلب رزق.أو ولد.أو فك كرب.. فاوالله أن وعد الله حق..
-وأخلصوا الدعاء فهو [مخ العباده]
ا¤ع فكره على ذكر الصدقه..بعض الناس لسمع طاريها صد وحس أنها كثيره ويوسوس له الشيطان أن ماعندك ليش تعطي..؟
لاكن اذا بنت وسمعت بكريم ب١٠٠أوأكثر قالت {يابلاش}
أوفستان ب 1000 أو2000 قالت يارخصه!!
ونروح لسوق بآلاف ونرجع بفكه كم ريال..؟؟
وإذا ولد وحاول يلعب بشرف بنت دفع راتبه كله شحن وهدايا..!!
ا$أنتبه$ لمعلومتك كل مادفعت بيكون أثمه محسوب .أنت تفعل، وتنسى! بس عندالله محفوظ..ستسأل ومالك من أين كسبته؟؟ وفيما أنفقته؟
والله لماتموت ماأحد راح يقول{ الله يذكر فلانه بالخيركان ملابسها شيك!أومكياجها ماركه؟؟}
مايجي لقبرك إلا قرش أحتسبتيه أجر عندالله!
¤الصدقه
@تدفع ميتة السوء.
@تطفئ غضب الرب.
أستوعبوا
ا¤القرآن: هجرناه..؟ صح
كلام الله .البرهان.الحجه..!
ليش؟
اذا مريناسوق وشفنا عالواجهه مجله وعلى غلافهاوحده بنت شوارع ونجسة فاسقه من شيطانات الفن!ومكتوب مانشيت عنها..أنهبلنا لجل نشتريهاونقرى رذالتهاوندفع فلوس بعد.؟وهي من الوضيعات المهلكات لانفسهن!
وكتاب الله مركون بزاويه ومغبر..؟
متخذينه ديكور!
أنا عارفه كل واحد بقلبه هم هجره للقرآن..عارفه.. بس لازم نفكر بشكل جدي ماينفع كذا كل وقت نأجل..نأجل..
نقول بعدين..بعدين.. إلى متى..؟
ماحنا ضامنين أعمارنا..
إذا رحنا لعرس نخطط بكل لحظه وش نسوي؟ اذا سافرنا نخطط؟
طيب أساس الحياه وسبب وجودنا
ليش مانخطط له؟؟
ديننا..
شفتوا الشي الثاني كله كماليات المفروض
لسد وقت الفراغ..
والدين هو اللي نخطط له..
أنا ماقلت أحفظ القران أوألف كتاب بتفسيره..لابلقليل لاتهجره
يعني لو كل يوم صفحه أوصفحتين قبل النوم..تقراها..وتوعد نفسك أنك ماتنام قبل ماتقراهم..
واللي فيه حاجات مايفهمها يشتري كتاب تفسير بسيط ومختصر ويتعمق ويفهم مغازي القرآن وحوادثه..كل حرف ب١٠حسنات..تخيلوا بس
تكلمت عن الحاجات الأساسيه والبسيطه جدا اللي تجعلك براحه نفسيه
بس من أهم الاسباب..حاجه بدأت تنقرض وتقل بشكل ملحوض..وهي أكبر سبب أسهم في أفشاء المحرمات والمجاهره بها..وهو [واجب]
على كل فرد منا..
وهو {عدم أنكار المنكر}
أنا أعرف وأفهم نفسيات البنات..البنت اذا أحد فشلها أوأستنكر فعلها ونهاها عنه
تستحي وتخاف وتجنب فعلها عشان تتقي نظرة الناس وأشمئزازهم.. وبكذا كل شخص يحط في قلبه أحترام وحق للي حوله..ويراعي ردة فعلهم..فيه ناس {تخاف ماتختشي} وهالنوعيه واجده وهم من دمر المجتمع ونشر الفساد
ووصل الحال معهم أنهم صاروا لنا قدوه مع الوقت!!
قال الرسول صلى الله عليه وسلم{من رأى منكم منكرا فليغيره بيده
فإن لم يستطع فبلسانه فإن لم يستطع فبقلبه وذلك أضعف الأيمان}معطينا خيارات عشان مراعي كل الاوضاع..وهذا واجب كل فرد..اذا مانهينا ونصحنا كل أنسان يعمل أي شي يفكر فيه، والله العظيم يوم غاب النقد والنصح الدنيا خربت وصاروا {سقائط الناس تقودنا} هذا اللي فاقع مرارتي..
لاتضنون أني متحامله ع البنات بس! لاكل مجاهريلزمناأن نستنكرفعله..بس حطيت البنت مثال لان مجالهاأوسع وتقليعات كثرن..وأكثر المجتمع نساءوبحكم أحتكاكنا..
¤¤أي أنسان يسن سنة خيرله أجرهاوأجر من تبعه ليوم الدين¤
حاول يكون لك بصمه خاصه في كل مكان تتواجد فيه..إذاكنت بمجلس وشفت منكر يقال أويفعل أنت أستنكره لا تسكت
ا[الساكت عن الحق شيطان أخرس] أحد يرضى يكون شيطان..
ولاتبالي حتى لو واجهت صعوبات أومحاده كلاميه أوجدال..فكل ماصعب الامر زاد أجره..وأحتسبه عندالله..
بس أنصح بدون سخريه أوتوبيخ..
¤% لاتكذب..
¤لاتسرق..
¤لاتغتاب أحد
¤اذا واجهت أرحامك حتى لو مخطين عليك أبدأ بالسلام..أحتسب الاجر..
والله مهما كنت تكرهم ومهما أساءو لك {إذا فكرت بالله وفكرت أن الدنيا زايله والمحضوض اللي يتحكم بعواطفه ويحرك المواقف لصالحه..وربي من فكر كذا ليشوف هالدنيا لعبة ويقدر أنها ممر مهما طال بناصل آخره..ونهايته بأي لحظه..!!وبدون ماندري..
السلام فعلا لله
ومن فكر بالجنه شاف كل الدنيا وناسها هباء منثور
وأختم نقاطي البسيطه..
بأرخص وأبسط وسيله
¤{الأبتسامه}: أبتسامتك في وجه أخيك صدقه..أجر..و منظر حلو ومبهج..
ورياضه تشيل التجاعيد
سبق وتكلمت عنها في موضع سابق!.
وأخير/ أفشو السلام بينكم..
|
 |
رد مع اقتباس
المشاركة الأصلية كتبت بواسطة دلال
