لو كنت مكاني

[اسكندر]

يااخوان انا رحت اصلح سيارتي ولان العطل لايكتشفه الا فنيين رحت لورشة فلبينيين والمدير سعودي .. المهم وصلت الوشة وحصلتها مقفلة

والفلبيني اعطاني عنوانو وشرحتلو الموضوع عند بيتو وقال مقدور عليها المهم تقابلنا عند الورشة واعطيتو السيارة وقال بكرة الخميس

تعال خذها والخميس قال السبت تاخذها صباحا .. هنا انا قلت طيب ماشي .. وكنت حاسب الطبلون كم ماشي عشان اعرف سيارتي ايش حصل لها من ورايا

المهم يوم الجمعة ليلا رحت لعنوان منزل الفلبيني وتفاجأت انو محمل مجموعة من اصحابو والرجال ماخذ راحتو عالآخر فتبعته الين ضاع مني وبعدها رحت للحلاق وبعد ماخلصت وجدت السيارة واقفة فدقيت سلف بالمفتاح الاحتياطي

وجا صباح السبت وانا قافل جوالي وخدمة موجود جابت 9 اتصالات .. اتصلت بعد الظهر الفلبيني قال السيارة انسرقت وانا سويت اني تجننت ورجيتو شويتين وقفلت الخط

ايش اسوي معاه علما ان صاحب الورشة كان يبغى 500 لمن قلتلو ماعندي غير 300 قال تم وابشر وكلام طيب يحرج الواحد .. وباقي 150 ماعطيتو

شرطة ولا آخذ تعويض ولا اضربو الين يشبع مع انو الفلبيني من نوعية جاكي شان


قال يضحك على عيال جدة واحد فلبيني والله هرجه

[ريحااانة]

يا شيخ خلهم يتنفسون
والله أنصحك ما تخليها في ذمتك
الا روح الورشة وكلم مديرها وقل له بكل شي ويمكن يعودوا يتنازلوا عن المية والخمسين
وبعد إذن الله راح تنقذ سيارات شباب جدة

[البحار الكبير]

والله ونعم بأهل جدة أخوة ومرجلة
تراني يا جداوي عشت في جدة احلى ثلاث سنوات
كلها على البلاج
أما الفلبيني نفسي شكيتو للشرطة علشان تحرقله
دمه صح
وترى معظم الوافدين مسويين أذكياء علينا
لك تقديري