ياهاجسي خلّها كافي ملامه=ماقد مضى قد مضى بانت خباياه
من شاعرن جالها شايل حسامه=شاعر ولد شاعرن جزلا عطاياه
طيّب خوالن عزاويهم عمامه=بيّن معاني القصيده في مزاياه
ماكِنّه ألّا علا فكري مقامه=ولاّ بفكري لجى يطلب سراياه
أهلن وسهلن علا شانه ودامه=راحت ولا جابها الاّ مطاياه
وثانيهم اللي قضى فجر الغمامه=وأوّلهم اللي بدى وأرسل قضاياه
الصاحبَ اللي روى كبدي سنامه=خيّال جزله عدّوه من سباياه
كرّ المكارم وحوّلها وسامه=ظنّي عسى ربنا يغفر خطاياه
من روسِ قومن مراضعهم شهامه=شرواهِ قومه وقومه له شراياه
فرسانهم في قساوتهم حِزامه=وحزامِ من هو قصدهم في مناياه
والشطرِ باين وزعلكم سلامه=ماهو على اللي ترفّعني سواياه
أقصد بها شاربن فالت زمامه=واللي رضا ربنا ماهي رجاياه
وفحوى القصيده على أهل الرخامه=راحت بكسراتها تنثر بقاياه
والبدر ياصاحبي كلّك فهامه=نوره يبيّن قصيدي في خفاياه
والنايف اللي وقف وقت الخصامه=ردّ الهبايب ولاهزّت ثناياه
إعنز على نايفن شمّر كمامه=صاحب علومن تباريها سجاياه
جلمودِ صخرن تكوّون في عظامه=مضروبِ ضارب نجمع له ضحاياه
ربعه أسودن عراينهم فخامه=زبن الدخايل إذا خابت حراياه
ناسن لحفظ العهد لها صرامه=ياسعد من هو تربع في حناياه
أهل المثايل عتابه والكرامه=الضيفِ يُكرم إذا نوّخ مطاياه
وأنا حزامن لهم ورباطِ هامه=مسكينِ ياللي تحذّف به نواياه
|
 |
رد مع اقتباس
