صح اللسان ودلّتك كلّها هيل=النصح غالي لاعليكم ملامه
نادوا لي فكري جاني ضيفن بها الليل=أسمع صهيلن ما لزوله علامه
شبَّ الحطب فكري وعدَّ المناقيل=هاالليل هاجوسي على شفِّ شامه
ترقص معايه مهرتي رقصة الخيل=أقدامها تقدح شرارُ وصرامه
والليلِ ليلي والقلم حبره يسيل=قطَّعت شريانه بكثر الشهامه
ميَّلت خشمه للمواجيبِ تمييل=حبره دموعي والمعاني خزامه
والصوتِ يرسل للحنايا مراسييل=يضرب شمال وينتهي في تهامه
من وين ماوجهت وجهي عراقيل=أغفى شوي وخاطري للنشامه
الشامِ قتلاهم بليله محاصيل=وحْنا على جرح الغرام وسهامه
ياهل الذهب ماهي ببن ومعاميل=تنفع مع اللي لطمهم باالندامه
ياكودِ بسيوفن عنيده مصاقيل=تهوى جباهِ مخاويينَ النعامه
كلِّن على جاره حشوده درابييل=والضبع زلاّته محوها عمامه
واللي لنا ظاهر حكايه وتمثيل=مخرج مسلسلها يهودي مقامه
يعرض على الشاشه عداوه وتنكيل=والغيب مِخفي في جناحه غمامه
أمطارها فكرن وروده أبابيل=تزرع بحاضرنا عصارة مرامه
قوه ثلايه وغابات تظليل=أشجارها تحجب علينا الفهامه
لابدِّ من يومن تسودَ القناديل=لابندقن يضرب ولابه أبامه
يلقون جيشن للمنايا مهابيل=دستورهم واحد جنان وكرامه
|
 |
رد مع اقتباس
