السلام عليكم ورحمة الله وبركاته
وجبت لكم اليوم طريقة كيكه مررا هشه وطعمها مرره حلو وخوراافي
يلا نبدأ بالمقادير والطريقه:
كأس ماء
نص الكأس زيت أو زبده (انا افضل الزيت وكل واحد ورغبته )
ثلاثة ارباع الكأس سكر
اربع ملاعق كبيره حليب بودره
اربع ملاعق كبيره كاكاو بودره
باكيت بسكويت اوريو
هاذي المقادير توضع كلها بالخلاط وتخلط جيدا
ويؤخذ منها مقدار كأس للصوص
بعد مااخذنا منها للصوص نضيف للخليط ثلاث بيض صغار واذا كبار ثنتين يكفوون نخلطه كويس
بعدين نجيب ملعقه صغيره بيكنج بودر وملعقه صغيره فانيليا وكأس دقيق نخلطهم مع بعض ونضيفهم للخليط بالتدريج على ثلاث دفعات
ونخلطه زيين واذاحسيتي انه ثقيل زيدي فنجال ماء عليه الى ماتصير مثل قوام الكيك
بعدين نجيب الصينيه ونكسر حبات من الاوريو تقريبا أربع حبات واذابغيتي اكثر على رغبتك
على فكره قبل مانبدأ في عمل الكيكه نسخن الفرن على درجة 200
وندخل الكيكه ونقصر الفرن على درجه هاديه
وتقريبا نص ساعه الى ساعه الا ربع وتكوون استووت
ملاحظه (ماتفتحين الفرن ابدا الا لما يصير للكيكه نص ساعه داخله الفرن وتفتحينه بهدوء عشان مايدخلها هواء )
وهاذي صورتها لماطلعتها من الفرن
واذا طلعت وبردت تقطعينها وبعدين تجيبين الصوص وتحطينه عليها
وبراحتك غيري الصينيه كل واحد ورغبته
واتمنى تعجبكم وتنال على رضاكم
وبالهناء والعافيه على قلوبكم
مما رآآآق لي
|
 |
رد مع اقتباس