[/quote]
عقب ماصار جيتيني غريقه وسط دمعاتك=جيتي تشتكي ظلم الزمان وقسوة سنينه
جيتي والألم باين عليك وصوت زفراتك=يصور حالة الجرح الذي في القلب تخفينه
أشوف الحزن بعيونك وأشوف الحرف بشفاتك=(يموت) القول مابين الشفايا قبل تحكينه
إذا ودك تراضيني ترين الوقت قد فاتك=وإذا ودك تشديني..غرامك مات من حينه
أنا بين البشر ماشفت من له نفس عاداتك=ولا بين البشر مثلي بطيب النفس تلقينه
تصدي تزعلي تقسي وعلنتي طي صفحاتك=عن قلبي تغيبي وقت ماودك وتجفينه
تهيمي بدنيتك وحدك همومك كلها ذاتك=تبيعي قلب من حبك ولا له ند تشرينه
قتلتي حلم شفنا فيه صدق الحب بسكاتك=قطعتي وصل كنتي أصل مني حيل ترجينه
زرعتي خنجرك فيني وزاد الجرح ضحكاتك=فرحتي وعاشقك دمع المواجع يحتضن عينه
دفنتي بالثرى حبي وعشتي كل لحظاتك=ماهمك ابد قلبي..ولا عدتي تهمينه
روحي دوري غيري يخفف من معاناتك=أنا ما عاد لك عندي..مكانٍ تستحقينه
|
 |
رد مع اقتباس
.
المشاركة الأصلية كتبت بواسطة anfas
