ابعد مسافاتي ورق واقرب رفيق لي جروح
وآخر مدينه زرتها كانت مدينة واقعي
من وين اجي لازم اجي ياروح ادور فيك روح
ماني بشايب منحني ولا ورع امص اصابعي
قطعت اميال العناء امشي وانا كلي طموح
آآهي جوازي في بلد فيها التوجد شاااارعي
وإن جيت اسكن غرفتي لقيتها فوق السطوح
في فندق اوجاع الزمن احرج كثير اتواضعي
ضيوفي لا الداجي دجى آنات فيها نبض بوح
لاجيت ارحب صحت يادمعة عيوني اتدافعي
وباقة ورودي في يدي اشمها حزن يفوح
احس ريح انفاسها لمعنى عذابي جاااامعي
اجمل طباعي داخلي عزه عن الفرحه تشوح
في زاوية صدر الألم يعيش قلبي قااااابعي
صرنا وضيقة خاطري وإن ابتعدنا ما نروح
إما شرقت بي حسرتي القهر ضوى راجعي
نسير في درب القدر واللي انكتب غيب بلوح
في ظلمة آحياء الزمن نور الأماني ساطعي
صحيح مالي في البشر غير إننا من حمل نوح
بس البلا والغربله فيهم يعيش مواااادعي
اللي تركني بلا وطن أشيد من عهده صروح
إنه وعدني نلتقي في بهو حلم ضااااايعي
ومن يومها خيل الولع يركض وله شوق جموح
ورى فتااااة طلعها ثمر الغرام اليانعي
ماقد ورد في ذكرها واوصافها فوق الطروح
لا زيدي يدري عنها ولا حنبلي ولا شااااافعي
العنق في عنق المها والرمش له حد ذبوح
الجيد عود الخيزراااان الزند زند اليافعي
والنحر من تحت الشعر برق لمع نوره يلوح
في ثغرها جمر الغضا لأهل المحبه والعي
ماغيرها احد شاقني ولي دونها شف نصوح
يا إني افوز بحضنها وإلا بهلاكي ونااااازعي
ياما رقيت الناااايفه ماهمني حيد وسفوح
ولاعاقني درب الخطر ولا كان مره مانعي
ماعاقني غير إنني عليه لي صوت يطوح
إذا رفعته انتحب وابكي ويضرب صاااادعي
ويغمى عليه وأنتكس وأفيق بس بدون روح
لأنه ملك بي كل شي حتى النظر ومساااامعي
|
 |
رد مع اقتباس
