ياوجودي وجد منْ هقوته عادت جحيم=خاطره مكسور والوقت ماجمّل بشوف
أجْوديّن يرتكي للمصاعب ياكريم=كرّمه في دنيته وان كسى جسمه اللحوف
بين تلفيق التهم والنقى يلقى العديم=روّحت ماكنّها مهر غالي للهنوف
من سبايب شايبن مثْل شيطانن رجيم=دايمن في مدته نقص مايروي الريوف
لا تكدّر خاطرك من فعايل اللئيم=البقى للهِ والمرجله وقت السيوف
وقتِ ساعات النهار أرتجي ليلن بهيم=أسرج الأفكار واتبع مراسيم الظروف
أذرعي تهوى المساري راحتي جوّ ريم=في تقاليد الهوى تجذبه نار الضيوف
في بعادي وصفتن مثْل وصفات الحكيم=والمسافه تنطوي مثْل قرطاس الحروف
التخاطر بيننا صهوة القلب السليم=يقطع البيدا ركوضن على شكل الطيوف
والديار اللي من أطرافها ألقى النسيم=باركه لي ناقتي عيّت توقف وقوف
يالساني خلها ريق في وسط الحميم=هاجسي يا هاجسي شيلها فوق الكتوف
دارنا تطلب أهَلْها بلا سينن وجيم =بيننا ربّن جزاه بعْد حشْرن باالصفوف
في نواحي كلمته غطرسة شرّن مقيم=خلّها دام الريال وزنته تنصر ضعوف
لو رصيدي صفر والفقر ياعيني نديم=وزنتي هي وزنتي ما أغير باالصنوف
|
 |
رد مع اقتباس
