الليل موحش والمعاني مسافات
والفرق بين الزين والشين باين
والطيب ماهو جلسة بلوت مع قات
وكم مجلس جمع منافق وخاين
ويالله ياللي فوق سبع السماوات
تشفي قلوب ن غلها صار راين
وترفع مقامي عن علوم التفاهات
في وقت فيه الناس هين وهاين
وسلام ياللي تدعون المقامات
الكون بيد اللي على الكل كاين
لا صارت الدنيا توقف على مات
ياااارب تكفينا شرور الضغاين
يقولها اللي ساهر الليل مابات
يرجيك ياعالم خوافي الكناين
ياااارب عبدك بين عثره وزلات
بين الرفاع وبين ذيك الطماين
ماهو سفيه وصادفنه سفاهات
وانت الذي ميزت بين السحاين
البعض تفخربه على النت والشات
والبعض تكره لجل عرفه كباين
رغم العقول ورغم كل الثقافات
بعض الأوادم لو تصنف مكاين
ولولاك يافاااارس ترى انت بالذات
حرمت انا بعض الطرق والمداين
لكن عزاي إنك طبيب الكليفااااات
تبقى الجوارح في غلاكم رهاين
ندله ونجزي المعتدي صمت وسكات
ونمسح غثا بعض الأوادم بفاااااين
|
 |
رد مع اقتباس
المشاركة الأصلية كتبت بواسطة شموع بارده
