تهمس بخافت صوتها ذايبه
بحظن الغلا والحب والعشق
وتحلف بربي إنها تايبه
والصدق كله عنها راح في شق
ماتدري فيني اكره الخايبه
وإني بعمري ماتشبحت في رق
والروح تخشى المطلع هايبه
واعاف منهي قلبها دايم ن بق
قالو امقحومه السايبه سايبه
لو إنها تلمع كاالألماس وتلق
بنت المضره تجلب النايبه
مهما عليها كل الأبواب تغلق
ولا غبت عنها جابت الغايبه
واستغفر الله كل ليله لها شق
في كل مجلس ذكرها لايبه
هذا يمجدها وهذاك يبصق
وكسابها يبكي ويندب كسايبه
لاصار سقفه طول الأيام يغرق
وبنت الأصل كالثمره الطايبه
تملك مقاليد الزعامه وتعتق
لامن تهادت للفرح جايبه
شمس السعاده بالمسرات تشرق
الطيب تملك جنده وكتايبه
متميزه بالغنج وبا الزين تفرق
ام الجديل اللي تبخر ذوايبه
بالعود وانواع المباخر وتغدق
على العشيق اللي تمنت شكايبه
صافي حنان الروح والحب وترق
تصبر على حكم الزمان ونشايبه
وبالحمدلله لسانها دوم ينطق
ورجالها يفخر بقولت نسايبه
نطاحت العدوان سيف ن وبندق
وإذا اعتزى فيها تطبب عطايبه
تكفيه عن ما لاع قلبه ويحرق
وتشيل عنه مايورث غلايبه
ولاهي لنار الهم والظيم تنشق
وماكل بنت الصدر تسكن حدايبه
لو إن فيها زين يجذبك وتخق
فيهم تخلي الفكر ينوخ ركايبه
وفيهم على مشغول لوتدق وتدق
|
 |
رد مع اقتباس
بارك الله فيك وحفظك ورعاك أبوفهد
المشاركة الأصلية كتبت بواسطة دلال
