جديدي
سمعت الناي
سمعت الناي ....وابكاني
يذكرني ..........زمانً فات
يعرفني ....على احزاني
سبايبها .....ومِن مَن جات؟
هذي ....طعنة من فلاني
وهذي .....من عنا اللوعات
وهذي ......جرح خلاني
وهذي....... من رفيقً مات
وكن الناي .......بالعاني
يعيشني عنا........ وآهات
يهل الدمع....... باعياني
واخبي داخلي .....عبرات
حزين الليل .......خلاني
اجر البارحه.......... ونات
وسمعوا صوتي اخواني
وقلت الصوت ذا ....نغمات
وصوت الحزن باشجاني
يلج ولجته........... بسكات
مهي توصفه..... قيفاني
وتعجز .......عنده الكلمات
الا ليت...... الفرح داني
واغني للفزح .......شيلات
يعيش... بوسط شرياني
ويمحي ...قسوة الضيقات
والا ياليت....... ماجاني
يحل......... براعي النمات
يعيش الهم .......ويعاني
ويبليه الزمن ........طعنات
والا ياليته........ امداني
وارتب ....في اليتيم ابيات
يلحنها ..........الهمداني
ويفزع له .......عزيز الذات
والا ياليت ..........اذاني
تجاهل عن بعض الاصوات
سمعت الناي ....وابكاني
يذكرني ... ......زمانً فات
ماجد بن خرصان
|
 |
رد مع اقتباس
