تجمع خاص بالمتزوجين

[اسكندر]

اهلين وسهلين .. حياكم ونورتو الموضوع وانتو اهله .. طبعا هناك تفاوت في خبراتنا وفي ردود افعالنا في شؤون الزواج

ومواقفه التي تحيرنا احيانا .. وتخرجنا احيانا اخرى عن طورنا وتشعرنا بالعجز عن ايصال المعلومة لطرفنا الآخر اولابنائنا

وطرق تربيتهم التي بسببها يتردد سؤال في الاذهان هل نحن فعلا فعلنا الاسلوب الامثل ام هل جانبنا الصواب ؟

هنا نطرح كل مايخطر على البال وحتى المواقف المضحكة بدون تحرج وليس شرطا ان يطرح الشخص مايواجهه بل ماقد يراه مفيدا لغيره والنقاش مفتوح ولن ينجح بدون تفاعلكم



معليش اللي مش متزوج لازم يدخل كزائر والعضوات يشاركو براحتهم



اتفضلو اقلطو ماهنا كلافة

[اسكندر]

طيب ابدأ الهروج واقول الحماااة كيفك معاها ؟ ايش واجهت منها من البداية الى الآن ؟ هل استطعت ان تتكيف مع حماة متسلطة وتوريها حدودها ؟ ياشنب ولا خايف لمن تروح المدام زعلانة توريك شغلك حماتك ؟

[اسكندر]

وفي الجهة المقابلة كيف الاحوال مع ام الزوج ؟ كيف التعامل معاها ؟ صحيح انو في غيرة متبادلة ولا ام الزوج وام الزوجة حالهم زي اللي في الصورة

[وجدان شعبي]

طرح رائع ، موضوع مميز ،
بوركت و بوركت جهودك
واصل دام عطاؤك و تميزك و تألقك
دمت بود لا منتهى

[وجدان شعبي]

أم زووجي :
هي أمي الثانية التي لم تنجبني
احبها ، احترمها ، أقدرها ، أرضيها
لأنها قبل كل شيء هي أم ل أغلى انساااان بحياتي

[دلال]

ومنكم نستفيد

[اسكندر]

منورات والفايدة مشتركة حتى وجهات النظر مقبولة ومش لازم يمر الواحد على الموقف حتى يتكلم فيه .. يعني خذو راحتكم المطلقة .. بالنسبة للحماة اصلا ليش سموها حماة بعضهم تجي سبحان الله احلى من العسل واطيب من الطيب بس للاسف قليل وكمان من اول ايام الزواج والملكة والاستعداد للزواج يلاقي الواحد انواع الصمرقع لكن الذكي هو اللي يصبر ويمشي كلامها وزي ماقال المثل لاجل عين تكرم مدينة .. لكن لمن توصل عروسته تبدأ المعركة الفعلية .. البنت والفة على نظام اهلها ولقلة خبرة ولانها تستحي وتخاف انو زوجها يعرف عيوبها من بدري تقوم من وراه تسأل صحباتها وامها واخواتها ومن هنا تبتدي المشاكل لانو كل وحده بتقولها رأي مايتوافق مع شخصية الرجل ولا حياتهم وطبعا لثقتها فيهم اكثر منه تحصل غالبا المشاكل اللي يكون الانفصال المبكر اول نتايجتها .. اما الرجل اللي مشتريها لازم يخلي هذي الامور في اعتباراته ويسوي انومايدري لكن يوريها انو نتايج كلامهم غلط وانو مافي شي اسمه في الزواج انا وانتي ولازم يبنو اسرة ويخططو لمستقبلها ولنجاحها ويعيش معاها اجمل ايام عمرهم ويوريها كيف حتى اناث الحيوانات
تشارك بدون ماحد يعلمها .. ويكلمها عن الآمال والطموح ويقدر هذي المرحلة الحرجة اللي تعتبر مثل مرحلة الفطام
النفسي لها الين يشوفها مرتاحة وحالمة زي كذا وهذا راجع لثقافة الزوج عن الحب وعمقه


لكن لو شافها مصممة على امور لازم تمشي وهو مايبغاها والبنت ناوية على الزعل والرجوع لبيت اهلها وهناك حماته تنتظره وهنا امه واهله خايفين على الزواج لايفشل ايش يحصل ؟؟

لازم يوافق وياخذ البنت لابعد مكان وابعد مدة ممكنة عن اهلها ويحاول يقلل الاتصالات بينهم عشان يقدر يتفاهم معاها مش فنفس الموضوع ولكن للعيش في قصة حب لان الحب وحده هو اللي راح يخليها توصل للمرحلة اللي بعدها .. ايش هي المرحلة اللي بعدها ؟ لمن تصير بنفسها ماتقبل كثرة نصايح وتوجيهات حماتك واخواتها وصحباتها وانها شعرت وبدأت في الاستقلالية الفعلية .. فهنا يتغير موقفهم منها ويقولولها انتي تغيرتي وتكبرتي علينا وماراح ينفعك ومصيرك ترجعيلنا زي اول .. لكن البنت الذكية هي اللي تعرف انو حياتها ودنيتها انفصلت عنهم وتغيرت طريقتها فتقولهم انا اخترت حياتي معاه ولو كان ماكان .. وساعتها يبدأ الزوج في اخذ وضعه وراحته معاها وتكون هيا كمان عرفته اكثر واكثر

[اسكندر]

وزي ماقلنا عن امهات الزوجات بتلاقي منهم احلى من العسل واطيب من الطيب بنلاقي كمان في ام الازواج لكن
هذي ام الزوج غاليته اللي مايقبل فيها اي كلام مهما كان حبه لزوجته ومهما كانت ظالمة ومتسلطة ومعتدية خصوصا للي جمعتهم ظروف الحياة معاها مثلا يكون الزوج مايقدر يترك امه بدون رعاية او انه المتكفل بشؤونها
وبحكم القرب تلاقي الزوجة امور ماكانت تخطر لها على بال ..




طبعا الزوج صعب التنازل عن الاراء فلحظة يصغر ويطيع امه ومايرد لها طلب .. خصوصا الزوجات اللي ماكانت ام الزوج لها رغبة في ارتباطها بولدها .. والام المتدخلة فكل صغيره وكبيره واللي تقول للزوج دايما كلام عن زوجته
وتشتكيله منها .. واللي تعاير ولدها وتقوله خلاص صرت تسمع كلام زوجتك .. يخس عليك كنت فاكرتك راجل لكنك طلعت تخاف من حرمتك .. هنا الاختبار الحقيقي للزوجة ولمدى وعيها وتقبلها لموقف زوجها وعاد في حريم استغلو حب ازواجهم وظلمو هذي الام المسكينة وخلت زوجها يدخل فعالم العقوق وظلام الدنيا .. وفي زوجات صبرو وكانو
يلاقو شي ماهو قليل من القهر والمكايد والزوج اصلا يعرف امه لكن سر امتلاك الزوجة لزوجها انها تخرج من دائرة المقارنة وتحترم الام وتحتمل اذاها وبالتالي راح تكبر فعينه وتبلغ اعلى مراتب الحب في قلبه لانه عارف ايش واجهت من اجله وفي كثير من القصص انقلبت عداوتهم الى صداقة وتفاهم وانسجام ..

[اسكندر]

طيب ايش هي الرومنسية لمن يقول الواحد زوجتي ماهي رومنسية .. وتقول الزوجة زوجي ماهو رومنسي ؟ طبعا الكلمة مش عربية لكن تقريبا نطلقها على الشخص اللي مهما كانت ظروف حياته وواقعيته يحس ويشعر بشريك حياته .. وبظروفه النفسية اللي يمر فيها .. وهذا الاحساس ناتج عن قوة الاواصر والمودة اللي تربط بينهم
فهذا المقطع يظلمو السعودي ويقولو مايعرف الرومنسية



وهذا مثال للرومنسية بدومن ثقافة مفردات ومعانيها وناتج عن العشرة

[شجون الليل]

موضوع جميل اسكندر ..

اقول الحرمة الخبلة هي الي تخلي الناس تتحكم فيها

وتمشي حياتها على كيفهم

بالنسبة لامها .. تجاملها بس ما تخليها تتدخل

اما ام الزوج فعلى حسب شخصيتها اذا كانت متسلطه

فتبعد عنها افضل .. واذا كانت طيبة تحاول تكسبها

فيه قصة حدثت لشخص من قرايبنا .. تزوج والبنت من

مدينة ثانية

قالت امها بنتي ما تسافر .. انته انقل عملك وتعال

طبعا حاول وسافر وخلاها ورجع حاول ما فيه فايدة

والبنت ساكته ..

تناشبوا الزوج وام البنت .. وتخاصموا ..

وفي الاخير طلقها .. قلها اشبعي ببنتك


وصارت هي الضحية .. وراح هو تزوج وقد معاه حتى عيال


انتهى

[اسكندر]

طيب ماهي المواصفات اللي ماتحبها في المدام ؟ وبالنسبة للمدام ماهي مواصفات الرجل التي لاتحبيها

[الأسامــة]

عندي سؤال للمتزوجين

ليش اغلب المتزوجين عند مناداته لزوجته يستخدم معها جمل مستفزة
كـ يا حرمة يا فلانه يا بنت ..

او عند ذكر زوجته امام اصدقاءه يقول ( أم العيال )
أيخجل من قول زوجتي

..

[اسكندر]

اهلين يااسامة .. انت طرحت سؤال واسع الطيف اول شي مافيها حاجة لو انعرف اسم امي او اختي او زوجتي
خصوصا لو كان بين الجيران والحارة والمعاريف لكن تظل للشخص خصوصيته فأمام الاغراب يختلف الوضع فأنادي ياولد
طريق عندنا ضيوف مثلا من اجل ان يخفضو اصواتهم وان يستعدو بمايجب للضيف وفي هذي الحالة خلاص مايمديهم يرتبو المجلس اما قدام الاقارب ممكن انادي بأسماء البنات والاولاد واحدد نوعية الضيف فأقول ياخديجة اقفلي الباب الفاصل ياعصام قفل الباب وقلهم عندنا عم فلان صلحو الشاي ولااشوفك

اما بدون ناس يقدر يناديها ياام فلان وقت احترامها ووقت الانبساط يناديها باسم الدلع ووقت الزعل الله يعينها .. وهذي الامور يعرفوها الحريم بالتعود والرجال مع معايشة كبارهم والاعراف لها دور فمن العيب اجي قدامك واقول اسم اهلي .. مالها داعي
عيب وشق جيب وكمان استحي وستمية استحي لكن لو بتتزوج من عندي مش راح تعرف اسمها راح تشوفها وتعرف كل مايدور فبيتي

["فلة"]

وزي ماقلنا عن امهات الزوجات بتلاقي منهم احلى من العسل واطيب من الطيب بنلاقي كمان في ام الازواج لكن
هذي ام الزوج غاليته اللي مايقبل فيها اي كلام مهما كان حبه لزوجته ومهما كانت ظالمة ومتسلطة ومعتدية خصوصا للي جمعتهم ظروف الحياة معاها مثلا يكون الزوج مايقدر يترك امه بدون رعاية او انه المتكفل بشؤونها
وبحكم القرب تلاقي الزوجة امور ماكانت تخطر لها على بال ..




طبعا الزوج صعب التنازل عن الاراء فلحظة يصغر ويطيع امه ومايرد لها طلب .. خصوصا الزوجات اللي ماكانت ام الزوج لها رغبة في ارتباطها بولدها .. والام المتدخلة فكل صغيره وكبيره واللي تقول للزوج دايما كلام عن زوجته
وتشتكيله منها .. واللي تعاير ولدها وتقوله خلاص صرت تسمع كلام زوجتك .. يخس عليك كنت فاكرتك راجل لكنك طلعت تخاف من حرمتك .. هنا الاختبار الحقيقي للزوجة ولمدى وعيها وتقبلها لموقف زوجها وعاد في حريم استغلو حب ازواجهم وظلمو هذي الام المسكينة وخلت زوجها يدخل فعالم العقوق وظلام الدنيا .. وفي زوجات صبرو وكانو
يلاقو شي ماهو قليل من القهر والمكايد والزوج اصلا يعرف امه لكن سر امتلاك الزوجة لزوجها انها تخرج من دائرة المقارنة وتحترم الام وتحتمل اذاها وبالتالي راح تكبر فعينه وتبلغ اعلى مراتب الحب في قلبه لانه عارف ايش واجهت من اجله وفي كثير من القصص انقلبت عداوتهم الى صداقة وتفاهم وانسجام ..

موضوعك رائع أخي اسكندر الله يعطيك العافيه.

شوف وانا اختك

بنسبه لام الزوج مهما تلاقي من الاساة لها راح تصبر من اجل اسعادولدها وطبعاً موكل الامهات

وراح تتنازل عن اشياء كثيره حتى تعيش في سلام من دون حقدعليها في بدء الحياة الزوجيه لولدها

ايضاً هناك اموريجب ان لاتعملها امام كنتها(بزيتها)

1/ماله داعي ان تفرض نفسها وتجلس في المقعدالامامي جنب ولدها حتى لواصرهواوزوجته (بنسبه لي والله احسها كبيره أن أم زوجي

تجلس في الخلف وانا قدام..لكن بنسبه لي أنا كام الزوج ارتاح في الخلف افضل لي ومن اول قلت في الخلف ارتاح اكثر وانتها الامروالحمدلله.

2/المشاكل البسيطه في شتى الامورمع الابن موقدام بنت الناس مهماكان جحم المشكله من اجل أن لا تغيرالصوره واخذفكره غيرحسنه عن الام والعائله.

3/ حتى لواشتقتي لولدك ايتها الام لاتقبليه امامها من شان الحساسيات سيدي.
4/التدخل في الامورالخاصه الحوارمعه هوفقط في حدودالادب.

[اسكندر]

موضوعك رائع أخي اسكندر الله يعطيك العافيه.

شوف وانا اختك

بنسبه لام الزوج مهما تلاقي من الاساة لها راح تصبر من اجل اسعادولدها وطبعاً موكل الامهات

وراح تتنازل عن اشياء كثيره حتى تعيش في سلام من دون حقدعليها في بدء الحياة الزوجيه لولدها

ايضاً هناك اموريجب ان لاتعملها امام كنتها(بزيتها)

1/ماله داعي ان تفرض نفسها وتجلس في المقعدالامامي جنب ولدها حتى لواصرهواوزوجته (بنسبه لي والله احسها كبيره أن أم زوجي

تجلس في الخلف وانا قدام..لكن بنسبه لي أنا كام الزوج ارتاح في الخلف افضل لي ومن اول قلت في الخلف ارتاح اكثر وانتها الامروالحمدلله.

2/المشاكل البسيطه في شتى الامورمع الابن موقدام بنت الناس مهماكان جحم المشكله من اجل أن لا تغيرالصوره واخذفكره غيرحسنه عن الام والعائله.

3/ حتى لواشتقتي لولدك ايتها الام لاتقبليه امامها من شان الحساسيات سيدي.
4/التدخل في الامورالخاصه الحوارمعه هوفقط في حدودالادب.

مداخلة دسمة ماشاالله تبارك الله عليكي بس انك تجمعي كلمة كنة وبزية هذي لحالها فلسفة معقدة

نورتي الموضوع واتمنى استمرارك فيه انتي وظيوفك .. من بدري قلتلكم مافش كلافة يعني جبنة وحلاوة وقهوتكم هاتوها معاكم

[ابو شهاب الحمدي]

لالالالالالالالا تعليق