شَوفَ العبر باالناس والناس أجناس=وكثر البلى والجرح نمّالي شدّه
أعرف صويب الراي وكتابة الماس=وكلّن على البصمه تناديهِ يدّه
وأعرف غبي الراس لا قدّم الراس=يبغى حلاقة موس ترمي بسده
وما بين فن البستنه ياتي الفاس=وكلّن على ماقيل يعرف بزنده
أحدن نصيبه صبر يظفر بنوماس=وحْدن يواري شامته وسط خدّه
وحْدن يضوي للعرب مثْل نبراس=وقت المباطش من خلاياك عدّه
وحْدن كما شرواه لاتعصب الراس=ياكثْر زلاّته ويا شينِ عدّه
بعض الروى ودّك تهاديه محباس=من شان تخفي للعرب كلِّ هدّه
لا تبتئس في ميلِ هافي من الناس=ماكلّ ذيلن ينعدل من مكدّه
ولا جا بوقت السيف والدرع والطاس=حطّه مع الرعيان ولاّ العبنده
وقت المناشب لا طغت قوّة الباس=دوّر على اللي ثابتن وقتِ حِدّه
الخلايا= الدم
|
 |
رد مع اقتباس
بارك الله فيك وحفظك ورعاك أبوفهد