يصيح الليل من همي ابونوره يرددها
وارددها ودمعاتي على خد الفراق تسيل
يصيح الليل وظلوعي بكل قسوه يهددها
عظيم الجرح في صدري وقت ن بالسعاده بخيل
ذبحني غيابك الحاظر وساعات ن اعددها
وصعب ن مل به فكري يدور مدخل التذليل
حبيبي مصعب الفرقا حبيبي لا تمددها
تعال وفكني تكفا من التفكير والتهويل
تعال وفجوة غيابك بخاوي القلب سددها
سألتك بالذي زانك واوحى محكم التنزيل
كثيره احلامي بقربك ولكن لا تبددها
بعند ن يحملك إثمه تطاوع ناقلين القيل
ياروح الروح ذي روحي آمانه لا توردها
حياض الموت وانت اللي تعرف الوضع بالتفصيل
احبك عهد ويميني على حبك اجددها
احبك موت واحبك بليا زيف او تظليل
ونفس ن تهتوي حزنك عسى ربي ينكدها
وعسى خطواتها تبدا على درب البعاد رحيل
حبيبي صاحت اشواقي ولهفاتي توددها
يناجي الصمت وسكونه يعاني الهجر والتحويل
حملني وجدي الباكي قواي البعد مجهدها
سمار شحوب هو لوني وعودي ضامر ونحيل
وانا اللي كنت بوجودك جبال العشق اضاددها
غديت اليوم بغيابك على فرش العذاب نزيل
حنتني جروح في بعدك ولابه من يضمدها
تفتق كل ماخلتك على شوف الخيال اتخيل
تذوب وتحترق روحي وسكراتي اتنهدها
مرارة صد غرغرني اريقه لا طرا التقبيل
يصيح الليل من همي ويذبحني تنشدها
جوارح تسأل الوحده علامك ياونيس الليل
|
 |
رد مع اقتباس
بارك الله فيك وحفظك ورعاك أبوفهد
المشاركة الأصلية كتبت بواسطة دلال
