لاتسأليني عن لقى البدر والغيم
وانتي غديتي ليابس الريق ديمه
ولاتسأليني عن مدى البعد والظيم
صكي على كل العلوم القديمه
ياللي خذيتي مايقولون في الريم
وش عاد لواسمك غدى بعد ريمه
ياتعزي الأوصاف حديدي المفاهيم
صنعاني النزوه وبك روح ريمه
ياسعودية ترمي السهام المراديم
ترى التجني في المحبه ظليمه
احلا حلاة الحب رشفه وتلثيم
عشق ن يداوي غايرات واليمه
لاصار مافي الحب بالنص تحريم
تبقى الشواهد والنوايا سليمه
لوان قلبي محطم ن كل تحطيم
لك طلة خاوي عماري تقيمه
احس كني اقسم الوجد تقسيم
عبادي وعوده وذكرى نديمه
لا انتي ورده ولا انا كنت تصميم
صدفه واحلام الأماني عظيمه
ياهيه شقتي هامة الشوق واهيم
حتى الزوايا في وجودك وسيمه
حال ن تبعثر فيك يطلبك تنظيم
كل ماحفظتي له بداخلك قيمه
ازريت ارتب مايل البخت واقيم
حظ ن غدت عثرات رجله وخيمه
إن قلت احبك والمحبه مقاسيم
صرت الضماء يطرد ورا لال غيمه
بيني وبينك حد واضح وترسيم
وحتى التسلل صار بأرضك جريمه
إن قلت احبك انصدم بالمقاديم
وإن قلت روحي اعتبرها هزيمه
|
 |
رد مع اقتباس
المشاركة الأصلية كتبت بواسطة خالد معافا
