السلام عليكم ورحمة الله وبركاته ....
الله الله يالشعب السعودي . عندما يتحد مجانين بصراحة الله الله يالشعب السعودي عندما يغضب .
الله الله يالشعب السعودي عندما يكور !! ( يكور بظم الكاف وشد الواو وتسكين الراء )
والله الشعب السعودي مجانين .. ولكن ليسوا المجانين الذين يستعملون ادويه بل مجانين بعقل .
طبعاً بتقولون ما تجي ولا تركب هذه الجملة ( مجانين بعقل ) لكن في عرف الشعب السعودي تجي اقلكم كيف
وتحملوني بقلكم هذه القصة القصيرة .. من يوم ما خلقت وانا اعرف حليب النيدو حتى اخبر الشايب زمان اذا ماحصل حليب نيدو في الدكان الي جنبنا يدق عشرة كيلو على شان يجيب لنا حليب نيدو من دكان اخر .
وليس الشايب بس بل كل الاباء . حتى كنت اسمع الشياب يقولون حليب النيدو دواء للاطفال الي عندهم مغص .
طبعاً بعد ان امتلئت الاسواق بمئات الحليبات ( جمع حليب ) مشوها عربيتي على قدي ... اقول بعد ظهور مئات الانواع من الحليبات . استمر حليب النيدو في المقدمة من حيث الاستخدام والجودة وحب الناس له .
ابدأ في القصة ... عندي الوالد بلغ الثمانين من العمر حفظه الله وشفاه وشفى كل مريض . الوالد عنده مرض في المعده حرمه جميع انواع الاكل ولا يستطيع ان يأكل اي نوع . وعايش على الحليب فقط . كاسين حليب في الصباح . وكاسين حليب مخلوطه بقليل من الذرة المهروسة في المساء هذا هو طعامه منذ خمس سنوات شفاه الله
طبعاً الحليب نيدو ولا يقبل اي حليب اخر مهما كان واصبح حافظ طعم الحليب ويميز حليب النيدو بين جميع انواع الحليبات . خبرة خمس سنوات ... اليكم هذا الحوار الذي دار بينتي وبينه امس اثناء اعطائه كاس الفطور .
انا ............ صباح الخير يباه ....( احنا في جيزان نضع حرف الالف بعد الباء ) فتنطق يباه وليس . يبه ..
او يبويه .. ( تعريف لغير اهل جيزان ) المهم اعود للقصة .............. تكفون كملوها ...حتى وان كانت مملة ...
انا................ صباح الخير يباه
الوالد ......... هلا يبني صباح النور
انا ........... كيفك اليوم انشاء الله بخير
الوالد ......... في احسن حال والحمد لله
انا .......... خذ يباه الحليب
الوالد ....... وشهو الحليب
انا مازحاً معاه .......... سوبر شل حليب نيدو طبعاً
الوالد ........... شيله ما ابغاه
انا ............. ليش
الوالد ........... اخوك يقول حليب النيدو دنماركي .
انا ............ ايه دنماركي
الوالد ......... ما ابغاه
انا ........... يعني انت مقاطع يباه .
تدرون ايش صار ........ نزلت الدمعة على خده وكتم في حلقه عبرة اخرى .
وقال والله يحرم علي حليب النيدو حتى اموت لعنت الله عليهم الكلاب .. واختلط كلامه ببكاه . انا بصراحه اول مره اشوف الوالد يبكي . والمنظر بالنسبه لي غريب وتدرون كيف موقف الواحد لما يشوف ابوه يبكي .
المهم اكمل الوالد كلامه .... وقال شوف يا ولدي . انا الان عاجز ولكن الله يعلم والله يا ولدي لو ادري انك تعطيني شئ من صناعة هاذولي الكلاب سواء حليب او دواء او اي شئ فانا غاضب عليك حتى تقوم الساعة . ولو ما تلقى الا صناعتهم خلني اموت احسن . رديت انا بس يباه انت عاجز ومحتاج على الاقل يمكن بعض الادوية وانت معذور .. قال . ياولدي انت تعذرني ولكن هل تضمن لي ان يعذرني رسول الله صلى الله عليه وسلم وايش اقله يوم القيامه . يا ولدي اصحابه كان يحطون رقابهم وارواحهم دونه وهو معاهم حي احنا الان ما نحط ارواحنا دونه وهو ميت . المهم انا اقلك تراني غاضب عليك اذا تعطيني شئ من عند الكلاب لعنت الله عليهم .. ومد يده على الرادي الي اربع وعشرين ساعة عند اذنه وشغله ليستمع لاذاعة القران الكريم وبرامجها واخبارها والتي مؤشر الرادي عليها من عشرين سنه حتى المؤشر صدى ....
طبعاً ليس والدي هو الذي يحمل هذا الشعور لوحده بل الملاين من السعودين يحملون نفس الرأي ونفس الاحساس .حتى فيه واحد من اصحابي غير حليب ابنه من نيدو لحليب اخر فصابه امساك فرفض اعطائه حليب نيدو مرة اخرى لو يموت .................. هاه مجانين بعقل والا لا ..... الشعب السعودي مجانين ولكن بعقل ..
الله الله يالشعب السعودي لو يتوحدون على اشياء اخرى ويقاطعونها ...
مثل قناة ابو عدس لو يقاطعونها ويمسحوها من قنواتهم ولا يتصلون عليها في اي مشاركة ابداً ويكتبون في الصحف على طول عن هذه القناة وجميع المنتديات السعودية وينشرون للعالم هذه المقاطعة .. تخيل ماذا يحدث
هم الان مقهورين وبيموتون غيظ من عدم السماح لهم بتغطية الحج .. كيف لو نقاطعهم في كل شئ .
تخيل لو الشعب السعودي يتحد ويقاطع البقالات التي تبيع دخان شوف ايش يصير ما عاد تحصل ولا سجارة .
والله احنا مجانين لو صممنا على شئ نسويه ... اشياء كثيرة لو نتحد قضينا عليها ...
بس يالييييييييييييييييييييييييييييييييييييييييييت ...........
سامحوني اطلت عليكم ........................ سلملم
|
 |
المشاركة الأصلية كتبت بواسطة رديمه
