الليل ياشامه فدتك الصناقيل=سجّي مع الهاجوس لابان طيفه
العلم مايحتاج حتى درابيل=والشارده تنصاك لو هي كليفه
حبر القلم لا صار دم الرجاجيل=مانسفكه لو هو دوايه نزيفه
أسري مع الطيّب وعز الحلاحيل=و جلد الحيايا نعرفه من حفيفه
لله درك مهرة العز والنَّيل=دكّي برجلك باالنفوس الضعيفه
كل المداهل تعْرف البن والهيل=والخير حِسْبه في ربيعه وصيفه
لاتنثر البنزين الأحمر كما السيل=فعل الشراره تفضح اللي بحيفه
وان كان لي دعوه عليها تهاليل=لي دار والوارد يدله كفيفه
والإسم واصل باالقروم المشاكيل=وان جا الملاعب له بقانون فيفه
والحق يبرى له بسيف المصاقيل=ونقول للأجواد كلمه لطيفه
نلبس خيار اللبس بيض السرابيل=وان شان وقتي ماتربع لجيفه
وداري بعيني مثْل روض المشاتيل=حتى خطاهم أحسبه مثل ريفه
وش لك مع الرمعه والحط والشيل=خلك بطيبك والنوايا شريفه
السالفه ماعاد تحتاج تتبيل=واللي رماني ذابحينه بسيفه
طبعا داري هو منتدى صامطه ولا يهون
|
 |
رد مع اقتباس
