السلام عليكم ورحمة الله وبركاته
نقاش دار بيني وبين أحد الأقاربنتجت عنه هذه القصيده
أرجوا أن تحوز على رضى الله ثم رضاكم
ياخوي عذرن لا لفى العين تقصير=وصارت عيوني في حروفك شحاحي
أقدار جتني ماسكاتن طوابير=والعين ترمش مثل رف الجناحي
في غربتن أنسى معاها تدابير=الصبح ضايع والليالي صباحي
العرش عرشي لو خفته المحابير=والطعم سكر لومع البحر ماحي
الله من بعض الصور والتعابير=اللي تزود فرحتي وانشراحي
صف البني اللي على دمها إتغير=إمبرقعاتن طاهراتن ملاحي
باين هواها فوحتها المجامير=عودن مرافقها وماين قراحي
خل اللذي جا واندثر داخل البير=خله مع اللي فات وقت المراحي
من عادتي أخفي عيوب الدبايبر=وش لون لوهيْ من عسل نحل ساحي
لاتشغل الأفكار إلا على الخير=خلك مع أهل التقى والفلاحي
لا خير في أمرن يخليني إصغير=لاخير في ذكرى تزيد الجراحي
عطني ورودن ماسقتها الدنانير=واعطيك من دم الغزاله صحاحي
|
 |
رد مع اقتباس
