بقايا جديلك !!

[تركي المعيني]

؛

اللي جنيته من عطاك وهداياك ..
خصلات حزنٍ من بقايا جديلك ..

واللي قريته من كتيّب حكاياك ..
ذكرى وداع وليل يندب رحيلك ..

عقب المطر شحّت موارد عطاياك ..
وتمنعت تسكب سحابة مخيلك ..

ايامي جرد ولا نبت عود لاماك ..
والغصن ذاوي ما روى من هميلك ..

الورد مات وقطرة الطل تنصاك ..
والصبح عابس من تباريح ليلك ..

ماعاد يقرا طلته في ثناياك ..
ولا عاد يرسم طلعته من خميلك ..

ليت العيون اللي زهت في مزاياك ..
باحت بمكنون الجفا من سبيلك ..

من قبل اغوص بلجة الحب واهواك ..
وانهل من ضْفاف الهوى سلسبيلك ..

دام الشجر عاري وستره نواياك ..
ما ألوم صبحك لا سكت عن هديلك ..

ودعتك الله والبقى في سواياك ..
كفّت ويغني عن كثيرك قليلك ..

يكفي بقى لي من عطاك وهداياك ..
خصلات حزنٍ من بقايا جديلك !!

شعر/ تركي المعيني