() حمــامة الحب ()
ياالدمعة اللّي من الحرمان مسفوحه
ياروحي ياللّي تتـــــوق وكل ماتاقن
تجر ونّه من الأعمـــــــــاق مبحوحه
منها تثنن ضلوع العشـــــق وتلاقن
من شــــوق عذرا دميثيّه ومملوحه
أهوى زعلـــــــها واروّق كل ماراقن
حمامة الحب كلّي صايــــــر الدوحه
وان كان طرتي تلاقي لهفتـــي فاقن
معنى التفـاني بفاني زدتي جْروحه
لا هب ريحـــك وعاطر نسمتك ساقن
الصدفة اللّي من الرحمـــن ممنوحه
تقضي حوايـــج مولّع نفسه اشتاقن
يرقى شوامــخ غلاك ويسكن سْفوحه
حبّك تشبّـــــع جوارح عاشق افْتاقن
تغفى وحضنك سرير العطف أرْجوحه
والهمس يعــــزف من الألحان مالاقن
كل المعـــــاني بلفظ الحب مسموحه
وكل السوالف لطيفة حيــــل ورقاقن
نسري وتســري الأماني لين مانوحه
ديوك المنابر تنـــــادي الفجر لا قاقن
ياروح روح المحبّ اللّــــي وهب روحه
لعيون نجلا تشـــوق القلب لا اشْتاقن
|
 |
رد مع اقتباس
المشاركة الأصلية كتبت بواسطة خالد معافا
