♥ الغُصْن ذابِل فَاقدٍ لَهْ عصافير ♥

[عبده حكمي]

يالله عسى من غاب يرجع على خير واخط له من نَــــــزْف قلبي رساله مضمونها نبضــي غدا يشبه الطير في غيبته مجنــــــــون بالْفين حاله يِرِف من كثر العَنَــــــــا والمخاسير خَســران فَـــــرْح وضيقته في مجاله الغُصْن ذابِـــــــــل فَاقدٍ لَهْ عصافير والصُبــح شَاحِب كَن قَلبي شكى له ليت الصُدُود اللي حصـل فيه تبرير ويِجِيــــــه عذرٍ يرتجــــي في وصاله حُبَّه سكـــن في خافقـــي دون تخيير قَدْرَه توسَّــــد كل ضِلــــع ورقى له زرعت له بااقصــــى خفوقي نواوير وشيَّـــــدت له قصـــــــرٍ تَعلاَّ لحاله وصبيت له فنجــــــان حبٍ مباهير صبّيت لجلــــه صافـــــينٍ من دلاله لو هو يجـــي بااســــوق يمَّه معاذير عُمــــري فـــــداه وكل مابي حلاله ياللي تغيب وقـــــدرك بْخافقي غير هوّن على المشتــــــــاق وارفق بحاله لجلك يسخّـــــر كل الاشعـــار تسخير حتى الفصيح يسطّـــــر أجمل خصاله يدري بـــــأن الحُب دربــــه مخاسير ويدري بأن القُـــــرب منك اسْتحاله لكنّ قلبــــــــه ذاب من دون تفكير جاك ورجــــــاك وشــــد يمِّك رحاله أما قبلـــتِ الحُب يااغــــلا الغنادير ولا نهيتـــي القلب بااخِـــــر رساله