دارني حتى تدفيني الظلوع
واحتضني قلب شافك لهفته
ضمني لصدرك تبلل بالدموع
عيشني فاقد تخفف كسرته
سلني ولع تناهيدي شموع
احرقه حزني وذري جثته
خل يرحل لا وداع ولا رجوع
جعل عمره مايحدد وجهته
احتويني وانت عارفني قنوع
لوهي بسمه بالشفايف كفته
من عرفتك ماتلفتني جموع
والجوامح طرف عيني غضته
غطني عن كل ماشانه يروع
فكني صمت الغياب ووحشته
يا ثلاث اعقود والرابع شروع
ترسمين الشيب بأول غرته
ياصباح السبت ياظهر الربوع
يابن جدت عم خالة عمته
حستني مثل المدافع والدروع
يوم كل الحرث جات وطبته
وإلا مجلس امة العرب الهلوع
يوم فضو فوق زاخم سفرته
كن كل الكون ماضوره جوع
غير سعرت كلب ياكل لبوته
ياحبيبي لا تصنفني جزوع
دام ربي راحمنا برحمته
لامتى ارجي وصالك ياقطوع
جاوب اللي وسمت به عبرته
والمأسي مصنفه شكل ونوع
عزرت به لين خفت رزته
ياحبيبي الوسايد راس كوع
في غيابك دوك ناظر حفته
والسجاير دمرت كبد الفجوع
كني مدمن هبلت به لجته
طالبك ياصايع الوجدان صوع
مد من مدك ولو هي حبته
والنهايه كا البدايه لا شروع
ياللي شرعك ما عرفنا ملته
النواوي..........ابوشذا
|
 |
رد مع اقتباس
المشاركة الأصلية كتبت بواسطة عبده حكمي
