..................................... بسم الله الرحمن الرحيم
طبعاً اكيد ولا بد ان يكون احدكم قد مر عليه ارهابي او زامل ارهابي او يعرف ارهابي او شاف ارهابي في يوم من الايام ... وانا احدكم انا جمعتني الظروف مع ارهابي في سيارة واحدة لمدة سبع ساعات واكلنا وشربنا سوى وكان بنام مع بعض في احد الاستراحات على الطريق ....
............................................. القصة وما فيها ......
كنت في احد الايام مسافر من الطائف للرياض بالسيارة .. وجالس اتخيل اني محترف سعودي في برشلونة ومرة اتخيل اني بطل العالم للملاكمة . ومرة اتخيل اني فزت في سوبر ستار المهم جالس اتخيل تخيلات احداها تخيلت اني سوبر مان وقضيت على اسرائيل وحطمتهم .. وحدي وجالس العب في شنباتي ومرة في انفي واتخيل ... المهم .. وانا ماشي اذا باحد الاشخاص يؤشر لي قلت مدام اني لحالي واصباعي وصل لراسي من كثر ماانا احفر في انفي قلت خلني اشيل الرجال واتجمل فيه .. وقفت سلم علي الرجال وبالاصح شاب لم يصل للثلاثين من العمر وشماغ ابيض ولحية طويلة وشعر طويل رديت السلام .. قلي ممكن يا اخي توصلني معك الرياض سيارتي خربت .. طبعاً سيارته كانت واقفة .. قلت له سلامات اشبها سيارتك قلي خبطت .. قلت خبطت بس شكلها جديدة .. قلي خبطت . وركب معايه .. قلت يمكن ما خبطت خلني اشوفها .. قلي لا لا خلها برجع لها بعدين ... قلت بيشلحوها لك . قلي لا ما عليها شئ .. طبعاً انا ما عليه .. مشينا ..
انا ما احب اجلس ساكت لازم اتكلم .. سألته عن احواله واسمه ووووو المهم بديت الكلام ... امتد الحوار وكثر الكلام .. مرينا على الرياضة وعلى الشباب وعلى العمالة وووووووووو المهم وصلنا للسياسة .. وهنا بداء النقاش الحاد ... والسبب قلت انا يا اخي الشباب يحتاج توعية حتى لا يضيع من بين ايدينا قلي كيف يضيع .. قلت يضحكون عليهم اصحاب المخدرات والارهابيين .... قلي الله يهديك للصواب ويهديك طريق الحق .. قلت انا افا ليش
قلي ما تبغاه يهديك طريق الحق .. قلت الا بس يوم قلت الارهابيين دعيت انت دعوتك ... قلي ايش دراك انهم ارهابيين .. يمكن شهداء .. قلت في نفسي الله يستر شكله منهم .. قلت له طيب وانت ايش دراك انهم شهداء .
قلي ايش رايك الي يصير في العراق عاجبك .. قلت لا مهو عاجبني .. وإيش دخل العراق الان خلنا في الارهابيين .
قلي الهدف واحد حتى وإن اختلفت الطرق .. وقفنا عند مطعم نتعشاء . تعشينا وحلف الرجال عليه ما ادفع قرش رفضت في البداية ووافقت في الاخير وبصراحة فرحت وفر علي ستين ريال .... المهم مشينا .. ولاني ما احب اجلس ساكت قلت له نرجع لموضوعنا ... قلي وايش هو قلت الارهابيين .. قلي اسمع يا اخي اترك الكلام في شئ ما تفهم فيه كثير .. قلت افا . صدقني اني فاهم كل شئ بس انت شكل راسك مليان جراثيم فكرية ..
قلي الله يسامحك .. المهم غير الموضوع .. قلت ابشر .. سكتنا . واثناء السكوت استخدمت حركتي السرية وهي اللعب في انفي المسكين والتفكير كيف التصرف مع هذا الشاب الي شكله مروح في خرايطها . واذا ما لقيت حل انتهى في اقرب سيارة ملغومة .. الخيار الاول اني ابلغ عنه . طيب كيف ابلغ وهو جالس معايه .
الخيار الثاني.. اجفره على انفه ذيك الجفره وهو غافل يغمى عليه اوديه لاقرب مركز ..قلت طيب لو ما اغمى عليه وطلع الرشاش من جيبه اروح فيها . المهم احترت ايش اسوي .... المهم غيرت بين اصابعي وما لقيت حل ..
قلي اشبك ساكت . قلت انت ما تبغى تتكلم .. قلي لازم نتكلم في المجاهدين نتكلم في غيرهم .. قلت لا تقهرني وتقول مجاهدين لا اوديك لاقرب مركز ... ضحك وقلي سبحان الله ليش ايش سويت حتى توديني لاقرب مركز
قلت تقول عن الي يفجرون فينا مجاهدين وتبغاني اسكت .. قلي انا اقصد الي في العراق .. قلت لا يا شيخ ..
المهم جتني فكرة .. قلت له احنا تعبنا ايش رايك نمر اي استراحة ونرتاح حتى الصباح ونواصل بعدها .. قلي لا الله يستر عليك اذا بتنام نزلني وانا باركب مع اي واحد .. ... بصراحة كنت ناوي اخليه ينام وابلغ عنه امن الطرق بس الراجل حريص ..... احترت انا كيف امسك الرجال لا يروح مني ...
وصلنا الرياض .. قلت في نفسي خلني اوديه بيته علىشان اعرف عنوانه وابلغ عنه .. قلت له فين ساكن . قلي في الروضة .. قلت بوديك قلي جزاك الله خير .. المهم وصلنا بيتهم مسك فيا الرجال الا انزل انام عنده رفضت انا ليش رفضت مع اني تعبان .. لاني بصراحة خايف قلت اكيد البيت كله ارهابيين ... وفجأة قال هاه بتبلغ عني لاني ارهابي ... والله بصراحة خمني ,, قلت ايه لا تلخبطت .. قلي اشبك تلخبطت خايف .. قلت لا والله ماني خايف بس السؤال لخبطني ... قلي اخي الغالي معك العريف محمد احمد الدوسري من امن الطرق
ووراني البطاقة .. وقال بس حبيت اختبرك واشوف كيف تتصرف لو ركب معك مجاهد اقصد ارهابي وضحك
الرجال .. وقلي ترى السيارة حقتي بلغت عنها امن الطرق وبنتبهون لها حتى ارجع لها بونش .. قلت بالله من جدك والا تمزح .. قلي والله من جد وهذا جوالي وهذا بيتي تبغى تصورني بالجوال صورني وروح بلغ وضحك .. قلت طيب ليش تلعب باعصابي ... قلت حبيت اشغلك على شان ماتنام وانت تسوق وشفتك متحمس قلت خلني اقهره .. ................ المهم حلف الرجال وقلي عيب نجلس نتكلم في الشارع ودخلت عنده واكرمني احسن كرم واعطيته الافكار التي دارت في راسي وكيف كنت اقلبها باصباعي عن طريق خشمي ... واعطاني النصيحة الاتية ............... قلي يا اخي لو قابلت واحد يحمل هذه الافكار وشفت نفسك في موقف صعب لا تجادله وخلك معاه في نفس الاتجاه وحاول تركز على اوصافه وصادقه واضحك معاه المهم اطلع منه باكبر المعلومات وبعدين بلغ اصحاب الاختصاص ....... سامحوني يا اخوان اطلت عليكم بس مريت في تجربة وحبيت اقلكم عليها ........................... وسامحوني للاطالةاوكي: اوكي:
|
 |
رد مع اقتباس