سوالف مالها طعم
السلام هو احلى كلام بعد الوئام <<< هي صح كتابتها كذا ولا لا
اذا غلط ماراح اكمل
طيب كمل
مسيكم بالخير وكل عام وانتم بخير
بادئ ذي بدء واول الاوائل <<< نفس الوزن وطالعه حلوه تجنن مثلي بسم الله علي من عيونكم
والله مالي نفس اكتب لو حرف لكن رجعت للبيت مالقيت احد وكل ابوهم معزومين على السحور ولا علموني
يعني الليلة بتسحر سمبوسه بارده وكراث معفشن
عاد مالقيت غيركم يونسني وبكتب لكن اللي يجي وعادي لو مارديتوا اصلا التاريخ قال لي لاتهتم بناس مقرحين والله مادروا عنك
كل اللي فوق المقدمه بس الى الان ما فكرت وش باكتب عنه واذا فكرت كتبت واذا كتبت حطيت عنوان واذا حطيت عنوان نزلتها واذا نزلتها بتشوفوا اللي كتبته <<< قايل لكم فاضي وماكل سمبوسه بارده يبكي:
طيب وش رايكم لو اسولف لكم عن مراحل نموي من يوم عمري عشرين الى صار عمري خمس طعش بالله انا كائن حي خخخخخخخخخخخخ
يوم عمري عشرين كل الطقاقات والبياعات كانوا حاطين عيونهم علي (نرجع ونقول بسم الله علي )
اول وحده حبتني كانت ام جلمبو (واسم الدلع حقها وشيلة ماصوره )
ايام كنت في الصعيد مع خالي مسواك وعمي مصعود اعوذ بالله منهم (اللهم اني صايم من بدايتها نصب يرحم والديك انت اذا تعديت بيتكم ورجعت سوو لك استقبال رسمي )
اقولكم غبار طالع من برشومي ( فيه راعي ددسن يفحط على براطمي )
كنت أمسك اخويه واقعد انتف شعره واقول هي حبتني ولا ما حبتني وكل شوي احط علامت استفهام مثل ذي >> ؟
قامت ترسل لي هدايا مدري من الي معلمها وش معنى هديه مرسله سروال سنه وفنيلة ابو رحله وقوبع أخضر
وانا لازم اراعي شعورها واخذها على قد عقلها
(على قد فلوسها والله )
وارد عليها بالهدايا
فور اقزامبل
على سبيل المثال
بكلات
أمشاط خشبيه
مع ان شعرها كله اسلاك شائكه ولاتقدر تمشطه الا بحراثه خخخخخخ
ومرات ارسل لها صوري
تصدقوا عندها مرض عقلي والدكتور واصف لها صورتي مدري وش وصل صورتي للدكتور <<< اكيد قد عالجته خخخخخ اوه قصدي عالجني يوم اجاني مقحدد هههههههههههههههه
وبعد مره ارسلت لها لزقة جروح
وش اسوي مره طنشتها وقالت لي جرحتني وارسلت لها لزقة الجروح <<< ايه هين هي تنجرح والله لو تلعب بوجهها بساطور كان انجرح الساطور
المهم انها حبتني وراحت تخطبني من الوالد
وقال لها خل نشاور الولد ونشاور الشغاله
أثر الوالد داري ان لي علاقه مع شغالتنا وواعدها بالزواج ههههههههه
طبعاً انا وافقت
احد يحصل له يتزوج وحده بمواصفات حبيبتي
ما ادري وش الاسم الي كتبهه لها ومتعيجز احرك الفاره وأشوف وش الاسم وأرجع يبكي: )
بس امي عيت تقول خلها تجيب ورقه من الشرطه ان ماعليها اي سوابق
والله ذا الشرط تعجيييييييزي
انا اصريت على موقفي وقلت ما راح اتزوج الا ام جلمبو
عرفت اسمها لاني سويت معاينه للموضوع عشان اشوف وش خمبقت حتى هذه البرهه
الحين المشكلة وشلون نجيب لها ورقه اصلاح قصدي ورقه ان ما عليها اي سوابق وهي حياتها كلها في الاعراس ليلياً واذا خلصت تلاعنت معهم وتحاربوا وتعاقروا وهي تدخل السجن وخمسه يموتون واثنين اصابات خطيره وواحد ما جاءه شي <<<< هذا اللي ماجاة شي ماحضر العرس كخخخخخخخ
هي دايم كذا تكتفي بالعدد هذا لا احد ينقز ويقول ليه مو اربعه
ومع كل هاذ الا انها قدرت تفر مخي وديورت ورجعت وصدم مخي في شعري (يسمع عن التوازن ) وقعدت افكر
ما اعرف افكر الا كذا
ولقيت الحل
وش يا ربي الحل وشهو ؟
قلت مالي الا اني اتهور وأفر من بيتنا واتزوجها
بس ماش ما يصلح وش بيقولون عني الناس
(بسم الله عليك انت )
وبعد تفكير تذكرت ان فيه واحد راعي معاريض عنده مكتب موقر جنب الأحوال
رحت له وقلت يا صديقي العزيز ( يقرب لطارق عزيز ) خخخخخخ
مشكلتي هي كذا من الياء الى الالف ( الدنيا معي معوكسه من يومي صغير )
قال امك تعرف تقرى ؟
تصدقون هذا السوال ودي اسئله بعض العسكر الي على نقاط التفتيش اذا قام يحوس في الرخصه ويقلبها
قلت ايه دايم تقرا مجلات الازياء (ايه هين الله يرحم الازياء الي تعرفونها كلها وزر ومصانف خخخخخخخ )
قال لا غير مجلات الازياء ؟
قلت ايه تعرف تقرا لي الكف
بسم الله على امي انا وام اول اربعه بيردون >>> يحتك في الردود الاولى ويؤمن بالمثل الي يقول العود من اول ركزه
قال لا غير ؟
قلت لا
قال اجل الحل عندي وانا ابو زكريا
قلت وش الحل ؟
قال انت روح جيب ورقه باسمك انت اذا ماعليك سوابق ؟
قلت بالله ذا حل
أصلاً انا لو اجيب قائمه بالسوابق الي علي جبت لك نص ملفات الدوريات ههههههههههههه
قال اجل شوف اي احد من اخوياك
قلت قوم جيب انت
قال حتى انا علي سوابق عدد شعر قراء الموضوع ههههههههههه
مدري وش دراه مع اني ما قلت له عنكم
افا والحل
قال طيب شوف اي واحد من اخوياك يكون ما عليه شي
قلت يفتح الله انا اصلا ما امشي مع واحد الا إذا جاب توصيه من إثنين مجرمين وموقعه من سفاح ويرفق معها قايمه بجرائمه ولازم تكون اقل الجرائم قتل واكبرها قطو مسلتح (قصدي سطو مسلح خخخخخخخ >> المعوكس طول عمره معوكس
في الاخير صارحت حبيبتي ام جلمبو بطلبات الوالده اعزها الله واعز امهات اول اربعه يردون على الموضوع <<<< بالله ذي الشخمطة تسميها موضوع يامزوام الداشر
قالت الحل عندي يا بغلي العزيز هههههههه
ما امداها تخطبني وصرت بغلها
اجل وش باصير اذا ملكنا ؟
وش الحل يا ام جلمبو
قالت اول شي هات الشيشه يا ابو جلمبو
قلت مفيش شيشة
انا سامعها في طاش هاتي الشيشه يا ام جلمبو
قالت هالمره باعديها لك
افا من الحين تهديد تحت وطئة السلاح
قالت قل لأمك اني باعطيك مهر عشره ريال والمؤخر خمسة ونص <<<< لزوم التتن
قايل لكم انها عربجية
قالت هذا اخر سعر اتفقنا عليه وهي قاعده تكاسر
رحت لامي ضايق صدري واجر خطاي
سألتني مامتي وقالت مازا دهاك ياماي صن ؟
قلت انتي بتحرميني من حبيبتي وروح قلبي وعقلي <<< يسمع عن العقل
وقلت لها عن العرض حق المهر
قالت قلها زوديها عشره زياده وخذي الولد واخوه الصغير
والله امي بايعتني بلاش وتبي الفكه مني بس مدري وش الي مخليها تكاسر من اول ؟
المهم خلاص وافقنا وحددنا موعد العرس
ويوم العرس جت الدوريات وقشعتنا انا والمدام ؟
وحكموا علي بالتستر على مخالفين للاقامه وهي سفروها
اثرها لحجية بنت مهطلا
ما يصطفاد مع اني اشك ان فيه موضوع
1 - اذا صرت صايم ولا تسحرت وكنت على فطورك لا تفكر تكتب موضوع خاصة اذا كان سحورك سمبوسة بارده وكراث معفشن خخخخخخخ
2- اذا خطبتك وحده ورفضت امك على طول ارفض واسمع كلام امك
3- اذا صرت بتحب تعال شاورني
العنوان : منتجع شهار الفلة الخامسه طعش الدور الرابع والعشرون بعد المائة وألف يمين
4- اذا ماعجبكم هالموضوع عطوني فرصه يوم ولا يومين عشان بسوي غسيل معزه من التسمم اللي جاي بالطريق من السمبوسة يبكي:
طحياطي
|
 |
رد مع اقتباس
