أنا والحب
قلت لل
منو أنت و ليش تحكم الناس بالدموع؟
منو عطاك الحق بتعذيبهم وأنت ما تتقبل الخضوع؟
قال ال
الناس بأنفسهم عطوني الحق و مشاعرهم صارت أموالي
فقلت خليني أعذبهم و أفرح و أغني موالي
قلت:
حرام عليك تعذب يا حب هالناس
وتقهرهم و تبكيهم من غير أساس
قال:
ما جبرت أحد حتى يركض وراي
الي يتمناني يدور بنفسه على مأواي
قلت بكل أسف:
ليش ما تروح لبعيد حتى ما يشوفوك
لوضاع منهم أمل لقياك راح يعفوك
قال:
وما فائدة وجودي بعدها بهالحياة
الا أعذبهم و أنطيهم شوية ذكريات
قلت :
وبعد ما تغيب إيش مصير المعذب
الي إنكوى بنارك وصرت بيه تلعب
قال:
انا ما طلبت منهم المرور بحدودي
بس شوفتهم حلاوة العيش بوجودي
فقلت:
ويا ترى إيش فائدة وجودك ويا هواك
وإيش الحلاوة لو عرفوك و عاشوا وياك
قال:
بلحظة أقدر و أنسيهم هموم الدنيا و الآلام
و أعَيِِشهم بجو كله سعادة و أحلام
فقلت :
لو أني عشت وياك يمكن كنت أصدق كلامك
بس ما راح أركض وراك ولو جيتني ياريت بدون آلامك
|
 |
رد مع اقتباس
