الي جميع الاعضاء تعلم كيف ترفع ضغط مشرفين المنتدي ؟
السسسسلام عليكم ورحمة الله وبركاته
حيالله المشرفين والمشرفات
اخي المشرف اختي المشرفه >> أرجوووو انكم توسعون صدوركم لين تقرون الموضوع وبعدها بكيفكم
احم احم شو كنت بقول
الحين خلكم معاي يا أعضاء منتديات صامطه الحين يجي في بالك احياناً انك تبغي ترفع ضغط المشرف الفلاني او المشرفه الفلانيه بسسس ما تعرف كيف خليك ويايه انا بقولك كيف خلها عليه
عزيزي العضو الذي يرغب في رفع ضغط المشرفين ما عليك سوى
إتباع الخطوات التاليه لكي تجد نفسك >> مطرود مع التحيه
ونظف أذنك وفتح مخك وياي وانا أظمن لك كل شيء أدوات وقطع غيار على انا وعلى مسئؤليتي
اولاً : أدخل أي قسم في المنتدي وأكتب موضوع ماله علاقه بالقسم نهائياً يعني الموضوع في وادي والقسم في آخر الشارع مثلاً أكتب موضوع رياضي في الكمبيوتر وأنصحك بكتابة ( أرجـــو تثبيت الموضوع للفائده ) >> خلها تخرب مره وحده
احم احم قصدي يكون لها طعم أحلى
ثانياً : شوف لك أي موضوع قمت بكتابته قبل اسبوع مثلاً وأكتبه مره ثانيه واكتب (( فكــرة جديده ))عشان المشرف يدوووخ ما يدري وين المكرر عشان يحذفه
ثالثاً : لا تشارك في أي منتدي وأطلب من الإداره انها تحطك عضو مميز او عضو مثالي >> انا انصحك تطلب منهم يحطونك مميز وكل يوم أزعجهم حطوني وحطوني << وانا اضمن لك بإذن الله خلال اسبوع ينهون عقدك الإحترافي في المنتدي ويبيعون بطاقتك الإحترافيه لمنتدي ثاني او يكتبون تحت إسمك في المنتدي
( عضو رزّه )
رابعاُ : (( وركز معي على رابعاً )) أكتب موضوع في الملاحظات والاقتراحات وحط عنوان مشجع للدخول مثلاً (( الحقوووني يا شباب يا اداره عندي مشكله )) طبعاً بيجيك المشرف العام << او واحد من المشرفين يفتح الموضوع يلقى مكتوب (( واحد صفــر
خامساً : شكك في مواضيع المنتدي كل ما رحت لموضوع رد عليه واكتب (( كأني شايف الموضوع هذا في منتدي ثاني ))
سادساً : روح للأقسام ورد على كل المواضيع المثبته واكتب (( فكوا التثبيت خلاص يكفى )) >> يعني حاول تمارس صلاحيات كبيره واعتبر نفسك مشرف عام
سابعاً : شوف لك اي مشرف او مشرفه وسوي فيه حركة نذاله ورد على كل المواضيع القديمه في قسمه خل الغباااااااااار يطلع << وبهذي الطريقة يروح قسمه في شربة ميه
ثامناً : شوف لك أي مشرف او مشرفه وحاول تنشب في حقله وتتلزق فيه كل يوم بالرسائل الخاصه وقول له وش رايك في الموضوع الفلاني والموضوع هذا وش رايك يتثبت والله يخليك المفروض تلغى تثبيت الموضوع هذاك >>> وصدقني راح يكره اليوم اللي حطوه فيه مشرف
تاسعاً : حاول تدقق في الإملاء في مواضيع المشرفين يعني روح رد على مواضيعهم وصحح الاخطاء الاملائيه بس مالك شغل في الموضوع لا تجيب طاريه واذا شفت موضوع تهنئة بمناسبة تعيين مشرف ابدأ ردك بالحديث عن الواسطه وأثارها على الفرد والمجتمع >> وش دخل الفرد و المجتمع الحين ما علينا قابلني في عاشراً
عاشراً : اتباعك لجميع ما ورد اعلاه او أي فقرة منه تضمن لك وضع إسمك في البـــلاك ليست >> القائمة السوداء ويمكن بعد تتهم بأنك إرهابي
لحظه بقول كلمه
هذا الموضوع للتسليــه فقـــط وانا مليش دعوه في النتائج الناجمه عن ما قد يحدث من اعمال شغب واعتصام ومظاهرات وانا ارفع يدي عن المسؤليه .
وأتمنى من اخواني واخواتي المشرفين ياخذون الموضوع بروح رياضيه
وفرفش يخويه محدش واخد منها حاقه
تحياتي
|
 |
[/c]
