احبتي اعضاء منتدانا الراقي
السلام عليكم ورحمة الله وبركاته /
اولا انا اسف على تاخري عنكم وعدم تفاعلي مع مشاركاتكم في المنتدى وذلك لكثرة مشاغلي ولكن ساجد ان شاء الله منكم العذر والسموحة وكل تاخيرة فيها خيرة زي مايقولوا ومن طول الغيبات جاب امغنايم
ثانيا / مشاركتي التي اطرحها اليوم والتي اتمنى من الجميع ابداء الراي فيها وهي نصيحة لكل من اراد الثراء السريع لا تقول لي يازيد اكيد سوق الاسهم ولا تقول ياعمرو التجارة ولا تقول يااخر الرياضة فقد انتشرت في الاونة الاخيرة نوعية من التجارة التي تحتاج فقط الى ضغطة زر واحدة وبعدها تصبح من الاثرياء في من غير ماتدق سلف وتطلع من بيتك وهذه التجارة تقيس مدى تمتع الناس بالعقل وتقوم على استغلال قدراتهم ليست الذكية بالطبع ولكن الغبية .
فقط تابع معي هذه النقاط وتوكل على الله وخش عالم البزنس واكيد راح تصدق كلامي :
1- اذا ماكان عندك راس مال ماهو مشكلة خذ لك قرض من البنك ويكون محترم وشارك معاك البشكة او المتكى حقك لو كنت من اهل المتاكي كل واحد ياخذ قرض وحطوا عباس على دباس وخلك معايه الجاي احلى .
2- اتجه بحفظ الله ورعايته الى ادارة اي قمر صناعي واحجز لك مساحة يعني (قناة فضائية ) وترى ماتكلف كثير جهاز ارسال وترخيص من وزارة الاعلام وكلها في يومين
3- وظف لك واحد تقني اتصالات وسميه كوكو اقصد (كونترول ) بديت تفهم استمر ...............
4- حط فترة بث تجريبية لمدة عام مثلا وشغل نظام الرسائل (sms) وشوف العجب والعقول المتنكة (نسبة الى تنكة )
5- احجز رقم للجوال وواحد لموبايلي وسوي كم رسالة تمويه طبعا وشوف الاسماء المستعارة كيف تطل عليك زي الرز وكلهم ماشاء الله اصحاب عز ومال (الواحد منهم يدور حق بطاقة الشحن اكثر من الاكل ) عشان يرسل للاخت بدر الجنوب والثاني لصمت المشاعر والثالث لبدور وهلم جرا ............
6- تعال اخر الشهر وقسم الغلة بينك وبين شركة الاتصالات وشوف هامش الربح اتحدى لو لقيت اي مجال ثاني يدر ربحا مثل هذا المجال .
المهم الشاهد :
ترى مالفائدة من هذه القنوات التي تستغل عقول شبابنا وتقوم بادارة حرب استنزاف للعقول والجيوب لا يطلع علينا واحد يرد ويقول غزو اجنبي ترى سمعنا هذي الاسطوانة كثير وماراح نصدقها مرة ثانية شبعنا منها وبعدين شوفوا القنوات الاوروبية طبعا المحترمة منها هناك اكثر من 1500 قناة في قمر واحد اتحدى اي واحد يلقى قناة تسوي هذي الرسائل ويسال سائل لماذا ؟؟؟؟؟؟؟؟؟؟؟؟؟؟؟؟؟؟؟؟؟
اجيبك على السؤال ياعم :
هناك عقول لديهم ونحن ليس لدى معظمنا ان لم يكن كلنا عقول
كيف اسمح لجوالي ان يطلق في الهواء فلوس شقيت عليها او شقي عليها الوالد واعطي ناس مقابل سوالف فاضية
يااخي ياابني ان كان ولا بد تضيع فلوسك ضيعها في حاجة تخصك او تخص عائلتك او حتى خزن بها مع اني ضد هذا ولكن جحا اولى بلحم ثوره .
شوفوا اقمارنا كل القنوات تحط هذي الرسائل هل تساءلنا لماذا ام ان ام البراقع واخت النمر والحاجة مريم والاخت الداشرة وكوكو اذكى منا .
كل رسالة لا تقل قيمتها عن 3 ريالات كم رسالة تجي في الثانية وكم ربح يكسبون هؤلاء الاذكياء .
طبعا سنستمر ولن نقبل النصيحة كما عهدنا انفسنا نعاند حتى في الخطا لا وسنزيد المعدل اليومي للرسائل .
هل من صاحب عقل يفكر ويتدبر في هذه المكيدة التي يدبرها لنا ابناء من جلدتنا (حاشا على الخواجات ) فكل نصب وكل مكيدة هي من صناعتنا .
وفي الختام اعرف واحد من بعيد كان منتف ويالله يحصل لقمة يومه اليوم اصبح من اصحاب الملايين هو وشلته فكروا زين وعرفوا من اين تؤكل الكتف (طالما هناك اناس مثلنا فما المانع ان يتم استغلالنا باي طريقة )
سامحوني لو طولت .
((((((((((((((ارجو التعليق وابداء الراي فهذه وجهة نظر قد تصيب وقد تخطئ )
والسلام ختام .
|
 |
رد مع اقتباس
المشاركة الأصلية كتبت بواسطة الداهية
