كفايه يابونورة لاتغني لي الاماكن
تراك في غناتك ذي بالحيل تعذبني
تذكرني بصاحب ٍ غلاه داخل القلب ساكن
أفتقدته كثير كثير وليته داري ٍٍ عني
"الأماكن كلها مشتاقلك" تثـيـربي سواكن
وتقطع رماريم القلب وأصيح منها واوني
على صاحب ٍ عزيز وغالي فداي وفداكن
توه بعمره؛ سنه من صغر سني
خذاه الموت في مرض وأفتقدته ولكن
راح وتركني وانا لشوفته والله أحني
ليته يجي ويشوف عيون ٍ عليه تباكن
ليته يرجع لي ثواني ويدري بأني
أفتقدته حيل وأتعذب إلامن سمعت الأماكن
ليته والله ياليت وليت يفيد التمني
من عقبه لون هالكون صار داكن
ياعسا يرحمه ربي وياعساه بالفردوس متهني
|
 |
رد مع اقتباس
