متى تصحى وزارة التجاره؟؟؟
السلام عليكم ورحمة الله وبركاته ،
اليوم فضيحة على مستوى كبير .. ومن مركز كبير
انا ما أقصد فيه تشهير أو قطع أرزاق ..
أنا أناشد فيه وزارة التجارة ... لكي يفيقوا من صحوتهم
وين حماية المستهلك اللي نسمع عنها؟؟
وأليكم التفاصيل
الشركة: الشركة المتحدة للالكترونيات المالكة لـ اكسترا
المكان: مدينة الخبر - الطريق الساحلي
الزمان: تقريبا قبل شهر
أشترى واحد من الشباب سي دي مكافي من اكسترا
بعد توصية من فريق عمل اكسترا المعروف بـ
بمبلغ 250 ريال .. ويحتوي على
AntiVirus, Firewall, AntiSpam
وبعد ما نزله على جهازه .. اكتشف ان صلاحية البرنامج هي 8 شهور فقط
مو سنة كامله مثل ما أدعوا موظفي اكسترا رحت شفت السي دي اللي اشتراه لاحظت مكتوب عليه
OEM VERSION
For bundling with PCs and
other hardware only
NOT TO BE SOLD
SEPARATELY.
ومعناه بالعربي
ان السي دي يجي مع اجهزة الحاسب الجديدة او اجهزة أخرى فقط
ليس مخصص للبيع لوحده
OEM ومصطلح
يرمز إلى
Original Equipment Manufacturer
مكافي موقعه عقد مع احدى شركات تصنيع الكمبيوترات بحيث انهم يوزعون سي دي مكافي مع كل جهاز جديد مجانا
واكسترا يعطيهم الف عافيه ... اخذوا السيديات من كل الاجهزة اللي اشتروها
وقاموا يبيعونها لوحده بسعر 250 ويبيعونه على ان صلاحيته لمدة سنة كامله
وقتها انا رحت لأكسترا بنفسي وقابلت أحد موظفي 24\7 الظريفين
قلتله وش معنى الكلام اللي مكتوب على السي دي؟
قالي: معناه ان السي دي جديد ومحد استخدمه من قبل!!!؟
رديت عليه: شايف شكلي غبي عشان تقولي ذا الكلام!!؟
المهم اصر الموظف ان كلامه صحيح ... وطالبت بترجيع مبلغ الشراء
طلعنا من اكسترا ... ورحنا لجرير ... ولقينا نفس السي دي بس النسخة الأصليه بسعر 129 ريال
ولمدة سنة كامله ... شفتوا الفرق!!؟
بعدها باسبوع قابلت مدير شركة مكافي بالشرق الأوسط في مكتبي
وتكلمت معاه بخصوص هذا الموضوع
وهذا كرت مدير شركة مكافي اللي اعطاني اياه في المقابله
وتم أرسال جميع الصور والمعلومات إلى شركة مكافي الأم في أمريكا لعمل اللازم
وهذي بعض الصور اللي انرسلت لشركة مكافي
وفي النهاية احب الفت انتباه وزارة التجارة للي صاير بالدنيا عندنا من غش .. ومن ناس كبار
وما ننسى وعي المستهلكين .. قبل ما يشترون اي شيء ..
هذا ماحصل مع أحدهم وأنا نقلته جملةً وتفصيلا
متى تصحى وزارة التجاره وتحمي المستهلك من هالأشكال؟؟؟؟؟؟؟؟؟؟؟
|
 |
رد مع اقتباس