تدري وش اللي يتعب البنت يـا سعـود؟=رجـل يـخـون أشواقـهـا والـمـوده
اللي إلى احتـاج الغـلا صـار نمـرود=وإلـى شبـع ممـا عطـاه اسـتـرده
(البنت) ريحانـة غـلا ,, ناعمـة عـود=تبـي لهـا رجـالٍ ورث طيـب جــده
رجلٍ فعولـه كلهـا جـود فـي جـود=مايلتـفـت لـلـي كفـوفـه تـمـده
رجـلٍ إلـى جتـه الليـالـي بمنـقـود=يتكـي لهـا مـا بيّـح الوقـت ســده
مهوب خبـل مـا رعـى للهوى عهـود=وأدنـاة مـا عـارض طريقـه يـرده
ولا هوب لا عله ,, ولا هـوب ملهـود=ولا شكـوك وكــل طــاري يـحـده
مـا أشيـن الرجـال لاجـاك ببـرود=وان قال لـه تـرف القـدم شـي صـده
تبـي لهـا بـراقْ طيـبٍ لـه رعــود=إن أجدبـت يمطـر علـى ريـف خـده
وان نادتـه "تكفـى" لقـت عنـده الفـود=يشيـل عزتهـا عـلـى قــو زنــده
كفه نفل ,, وأنفاس صدره (لهـا) عـود=وظـلالـه الضـافـي بيـدهـا تـمـده
(البنـت) خـد وقـد .. ونواظـر سـود=وريحة غلا .. يا سِعـد مـن شـم نـده
(البنت) إليا ضحكت ,, ثمرها (لك) ورود=يـا سِعـد مـن يقطـف نواويـر ورده
واللي يهين (البنت) ,, ناقص ومقـرود=فرس غلا" .. ما هـي حمـارة مكـده !
وأنـا عشيـري فيـه زود عـلـى زود=فديـت (خصـره) لنهصـر ثـم شــده
"مياسـةٍ" مـا حـازهـا زول ممـلـود=تشكـي هـواي ,, لقلبـهـا والمـخـده
وتمد لـي مـن طـارف الكـرم عنقـود=بكـفٍ (أذوب) مـن الولـه يـوم أشـده
وتصفى ليال العمر .. والعمـر مطـرود=واشرب "غديـر شفـاه" طيـب ومـوده
من يوم هاوانـي وأنـا فيـه محسـود=والمشكلـة ,, محـد يـسـد بمـسـده
ضافي جديلـه فـوق الأمتـان مرجـود=(المسك) يقطـر مـن حوايـ ف مكـده
(ورمانةٍ) غضه ,, غرض كـل مكمـود=يهتـز غصـن الشـوق لا هـز قــده
ياويـل قلبـي والعـذارى لهـن مــود=فيهـن مـن الإحسـاس مـحـدٍ يـعـده
"غضات" جسم ,, ولا لهن بالبهى حـدود=بحر (المشاعـر) بيـن جـزره ومـده
عبدالكريم المهنا
|
 |
رد مع اقتباس
المشاركة الأصلية كتبت بواسطة ال حوسى المحنشي
