أنا .. وأنتم ..و..[ بركات ] ..!!

[شَتاتْ أُنْثَى]

:


وتختلف الأحرف عندما ينظمها

[ بركات الشمري ]





دائماً ما أرتشف حروفه\ احساسه \ عذوبته

وأخرج وكأني

( على جال النهر ظامي )




دعوا ( بركات يتنفس هاهنا )

وتنفسوا معه

حباً

وتلذذوا معه

حزناً



وأنا أيضاً


/

وحنا صغار .. !



وحنا صغار ..
زرعنا في تراب الحلم ... حلم ويشبه العصفور ..!
لكن طار !!
وكنا صغار ..
ويتفتّح صباح ٍ غارق بغيّه مثل تفتيحة الازهار
ولاندري متى نمنا !؟
وكم نمنا ..!
وش اللي صار !!
وصوت الوالد المرحوم : يالله قوم !
أمان ودمعة استغفار !!
وريحك يارغيف امي ..
سوالف هاااااادئه واشعار !!
وأتريق مع اخواني ..
وتتريّق عيوني وجه ابوي الدافي الحاني ..
واصك ّ زرااار !!
وآخذ ( حُبّه ) من أمي ..
وفي يدي " ربع دينار " !!
وآخذ شنطة أحلامي على اكتافي ..
واصحّي بـخطوتي درب طويل ومظلم وغافي !!
وتصحى اشجار !!
واروح امشي لـ مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار!
متى نرحل عن اسوارك ..
بعد ماكنّا شطّارك ..
نبي مره ولو مره نحس ّ إنّا غدينا كبار !!
هِنا كانوا لي اصحابي ..
هِنا ضاعوا مع العابي ..!
هِنا ياكم نخبّي من براءة فـ علبة الأسرار !
وصرنا مثل ماكنّا إنتمنّى !!
والغريب اشـ صار !!
رجعنا كبار تنمنى لو إنّا بس بقينا صغار !!

شاعر أنا ياحنين الأمس محتاجك
....................... أبغاك لامن طرقت الباب .. تفتح لي !

مشتاق والله كثير لراحة إزعاجك
....................... مشتاق أحسّك مثل ماكنت تفرح لي

ماتذكر الحلم يوم ينام بـ ادراجك
....................... تعال فسّر غيابه ليه !؟ واشرح لي !

مشتاق أداعب بحرك وألمس امواجك
...................... مشتاق ألامس عميقك وانت تسبح لي

تعال واشعل بصمتي كلمة سراجك
..................... تعال لكن إذا ماجيت لك ... رح لي !!

ماجيت أجمّع جروحي قاصد احراجك
..................... جيتك أببكي وابيك الحين تسمح لي !!

بـ بكي على الناس والإحساس لاماجك
.................... بـ بكي على الموت يوم إنه يلمّح لي !!

بـ بكي على الجوع والموجوع لاداجك
................... بـ بكي على الكون والمدفون في وحلي !!

بـ بكي على الروح والمجروح لا هاجك
.................. بـ بكي على الحب يوم الحب يلوّح لي !!

ياخطوة الحلم نامي وسط ديباجك !
.................. وإلا اتركيني .. وخليّ الدرب .. وارتحلي !!

الموت لامن بكيت وجيت .. محتاجك !
................. وطرقت بابك .. ولابه ناس .. تفتح لي !!

واروح اشرب .!
هوى ذيك البراءة .. وابكي ..
و .. أهرب !


.

[شَتاتْ أُنْثَى]

:



صح أنا أحبك كثير ..!!







هذا أنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغيّر أي شي !
" بس أنا أحبك كثير " !!!
كثر ماهي سوّرت هاك المواني
.. / هالأماني !
كثر ماغنت بك اعروق ومحاني !
كثر ماقلت لغيابك ..
" بس ثواني " !
كثر ماناحت على الأغصان .. ورقا !
وكثر ماقلت بخفوقك :
" لازم ابقى " !
كثر دمعي
كثر جرحي..
../ كثر ماني فيك أشقى !
كثر ماحسك وانا غايب .. معايا !
كثر مانمتي ..
ورى هاك الحنايا ...!
كثر ماني أنكسر عند ... الزوايا !
كثر ماني أبتسم !
لاجيت اضمك ..!!
وكثر ماني أنطوي .. لاعشت همك !!
وكثر ماني آتشتت ..!
لاجل ألمك ..!
كثر ماغنيت لك .. " يالله تعالي " ..!
نوريني .. سود بعدك .. !
هالليالي ..!
كثر ماهزيت لك غصن الشعور ..!
كثر ليل ..!
وكثر نور ..!
وكثر ماقلتي : " تجي مره نطير " !
نرسم الدنيا مواويل وعبير ..
وآنا بس وحدي " الأميرة " !!
وأنت وحدك لي " أمير " ..!
وكثر ! .................. ما "احبك كثير " ..!!!


.

[شَتاتْ أُنْثَى]

:

كتب في السياسه

فرأيناه خرج عن الاعتياديه



/



للأمه العربيه

" صه " ! ياشعب الكلام !



" صه " ! ياشعب الكلام !
" صه " !
ياباغي الـ سلام !
" صه " ! ياشعب ٍ على الأنغام ..
يسهر ! ماينام !
" أووووف أووووف " !
" ميجنا " !
وإلا " عتابا " ..
ياسلااااااااااااااام !!
لاجديد !
إنشوف ذل ...
وحضرتك ( باقي ) نعام !!
" صه " !
ياشعب ٍ نسى ( الدرّه ) على الهامش ..
وراح ..!
" صه " !
ياشعب ٍ ( تمرغ ) .. بالجراح !
" صه " !
ياشعب ٍ قدر يمسك .. قناعه ..
وماقدر .. يمسك " سلاح " !
ياشعب ..
ماهز فيه ( الذل ) ... ساكن !
وشوف هزه ! بالمراقص !
لاتغنّوا بالـ أماكن !!
ياشعب .. ( عفوا ً ............ ولكن ) !
ياشعب ( نجوى ) و ( هيفا ) ..
هي تجيك أخبار ...
( حيفا ) ..!؟
ياشعب ( دن دن ) و ( طبّل ) !!
فيك هذا ( الذل ) ..
يهبّل !
مابقى إلا شي واحد ...!
دنق لـ .!!!!!!!!!
وقبّل !!
ياشعب ..
يشجب كثير !
ياشعب ..
يبكي كثير !
ياشعب شاف الكرامة
( مطلب ) ! ومره كبير !!!
ياشعب تافه حقير ! عيش ( تهويد ) المصير !!
ياشعب ( بلتث ) ..! ورقّم !!
ألبس ..!
وأكشخ ..!
وطقّم !!
ياشعب .. ( يهوى ) الفضايح ..!
طاح ( واصلا ً ) .. كان طايح !
ياشعب ..
( غنّي ... و ... اغنّي ) !
و ( اسأل التاريخ .. عني ) !!
ياشعب ..
يربط مصيره .. دائما ً ..
بيـد التمني ..!
" صه " ياشعب الكرامه !
" صه " !
ياشعب الإبـاء ..!
" صه " ياشعب ٍ نسى لايقول في وجه الحثاله !
1000 ( لاء )
ياشعب ..
( قومي ياحلوة / وارقصي لي / والعبي )
ياشعب ..
جدا ً مفغل ...!
ياشعب ..
جدا ً غبي ...!
وين تبغى توصل أكثر ..!؟
يوم وصلت لـ ( النبي ) .......!!؟
" صه " ياشعب الكلام !
أدري ماعندك ...... كلام ..!
روح غنّي .. وإلا تدري ! ... الأجر / إنك تنام !




.

[الحلم]

بركات الشمري..

وكلمات جميلة تستحق التصفيق..

شكرا شتات أنثى أن امتعتنا بهذه القصائد..

تحياتي

[شَتاتْ أُنْثَى]

:

الحلم

وتواجدٌ كالحلم في لذته

الشكر لك سيدي

.

[شَتاتْ أُنْثَى]

وآخذك بيدي !





يالله نمشي !
بس ماشفتي " أحبك " وسط رمشي !!


نامي .. مثل ماينام البرد بـ ضلوعي
............. واصحي بعد مثل ماتصحى ... تناهيدي

ماكان بيدي .. تطيح لـ حزنك دموعي
............. ولاكان بيدي ..أروح .. وتتركك إيدي !

ماقلت لك لو يخاف الخوف من جوعي
............. يمديه يشبع من اللهفة ... بـ أناشيدي

ويمديه يشعل أساي ويطفي شموعي
............. ويمديه يذبح حمامة غنّت .. بـ عيدي

ياشمعة الحب لاجل الحب .. لاتموعي
............. خليني أضوي على نورك .. مواعيدي

منهو يهدّي بعد فرقاك ... من روعي
............. والحزن اشوفه نوى للناس ترديدي !

ياطفلتي جفّ بعد الوصل .. ينبوعي !
............. يزيد همّي ( كفّاني هم ).. لا تزيدي !!

هِنا تعالي ونامي بآآخر ... ضلوعي !
............. بشويش مابي تصحّي بي .. تناهيدي !

وإذا على الحزن والأشواق .. ودموعي !
............. بدفن حبيبك معاهم ..... وآخذك بيدي !




على بالي !
أجيب " الصبّح " في كفّك وأضم ّ " الليل " بـ لحالي !



.

[شَتاتْ أُنْثَى]

:

ولا ......... كلمة !













ولا كلمة !
أبسمعها .. من عيونك !
أبي تنطقها .. بجفونك ..!
أبي هالليل .. من دونك يدوّر عن .. دفا حلمه !
أبسمعها ..!
وابتبعها ..!
وابي تنثرها في روحي ..!
عشان إن غبت عن عيني .. أروح بلهفة واجمعها ..!!
أنا وإن غبت ( مابيني ) !!
ولا تسأل بعد .. ( ويني ) !!؟
لأن إن جدت بغيابك .. وربي ماأحس ( فيني ) !
ولا كلمة !
أبيها من كحل عينك !
أبيها من دفا .. ايدينك !
أبيها .. لاطغى زينك ... وهد ّ الروح .. من ظلمه !
أبيها لاتقابلنا ..!
وعلى أنفاسنا ... مِلنا !
أبيها .. لاابتسم قلبي .. وحنا بحب .. مازلنا ..!!
أبيها .. إن سال لك .. دمعي !
وصوتك .. يشربه .. سمعي ..!
أبيها .. لين مانسكت ولانلقى ...






















ولا كلمة !!






تعالي .. وامسحي دمعة من عيون ٍ ... بكـت فرقـاك ..تعالي .. قبل ماأصبح .. ف عالم حزني ... المسجون ..!

عجزت اضحك على قلبي واقول إنـي قـدرت انسـاك !أبي أنساك ! لكنّي مع نفسي ... أقول .... اشلون ..!!؟

بعد ماضيّعك قلبي ... بعـد هالوقـت ....../.. مـاودّاكتلطّم .. وجهي الباسم .. وفرّع / وجهي .. المحزون ..!

تعالي وانزعي جرح ٍ نمى ف ضلـوع .. مـن يهـواك !أنا من ( طحت في يدّه ) ظلمني ظلم ! ../ هالملعون ..!!

تعالي لملمي شتاتي .. أنا بعدك ... هِنـا ... وهنـاك !وعمري .. ( يابعد عمري ) .. هواجيس وتعب وظنون !

على كثر الهموم اللي تجول ف خاطـري ... لرضـاك !أنا مالي جدا .. ياكود .. قولة ..... ( ماعليه اتهون ) !

[شَتاتْ أُنْثَى]

:

الطفوله : ( ألطفـ ) ( ولــه ) !





طفلة اتسولف لي عن الحـب... بشويـش ..وانا كذا .. ب شويش ../ مجنون ... طفلة !

لاقلت ( احبك بس ) .. صفت لـي الجيـش !جيش الرموش ... اللي غزتنـي ب غفلـه !

وقالت بهمسة ذايبه... (أممم بـس ايـش ) !ه ( الأممم ) هذي بـس ياخـوك .. حفلـة !

سكت ! قالت : ( أووه من دون .. تطنيش ) !ومافيه عرق ٍ ... بالجسد ..../ ماعزف له !

( واموت بك ) قالت : ولاتوّكلك ... عيـش !تعبت الاقي ... ( مفردة ) ...... تنوصف له !

طفلة يجرّح .. خدّهـا ... ملمـس الريـش !حتى .. ( الخطا ) ... لاسوّته .. ينتصف له !

علمتها : إنّ الأماني لها .......... طيـش !وعلمتها : إن ّالمواعيد ............ جفلـه !

دنقت ! طاحت دمعتي واصرخـت : ليـش !؟قلت : التعب ..... يابنت غصب انجـرف لـه

قالت وهي تمسح على شفـاي... بشويـش !( بشويش ! .. لاتبكي من الحزن .. طفله ) !

مدامنـا بالكـون هـذا ..... نبـي نعيـش !دنياك ماتسوى من شفاك .....تـف ....!!!!

[محمدالقاضي]

ياسلااااااااااااااااااااااااام


حتماً سأعود بعد أن أفيق من صدمة البركاتيّة هذه

صح لسانك يابركات

وشكراً ياشتات على نقلنا لعالم الرجل الشاعر ..!!

[شَتاتْ أُنْثَى]

:

القاضي \ محمد

سأترك لك الغرق في هذا الألم الفاخر

تماماً كما أغرقت المتصفح بجمال توقيعك


تلذذوا بالـ بركات

.

[شَتاتْ أُنْثَى]

للحلم .. للشعر .. وأشياء أخرى !!



للحلـم ابرقـا ! دام حلمـي رقـانـي !وللمجد ابصعد سلّم الصبـر ... وارقـاه

ماهمنـي لـو قيـل : شاعـر أنـانـيأو قالوا إن اغروره .. اليـوم .. أعمـاه

الله عطانـي .. واحمـد اللـي عطانـيوكل ٍ يحمد اللي من الجود .... اعطـاه

لا ماكتبت الشعـر .. قصـدي الغوانـيلا ماكتبته .. قصدي المال .... والجاه !

ولاجيـت ادور للحقيقـه .... معانـي !جيت اكتم بصمتي ... سخافات الافـواه

وإلا عليه اليوم ! .. مـا الله حدانـي !هو ابتلاني لين ماصرت ...... بلـواه !

حشّمت راسه عن حديـث ... الطمانـيوعزيت شانه يوم غيـري .... تبـلاّاااه

مرات احس الشعـر .. غلطـة زمانـيوإن غاب لجّت هالحنايا ... تبي مـاه !

لولاه قلّي ويـن ..... ابلقـى الأمانـيبالله .. قلّي .. ويش أنا اليوم لولاااه !؟

بي جرح .. لامنه برانـي ... برانـي !يحطب أمل صبري .. من اقصاه لاقصـاه

وشلون ابلقى للسعـاده ...... موانـي ؟وانا مثل م تشوف .. مخلوق .. لـلآآآآه

الموت وينه ؟ ليت موتي ... خذانـي !تعبت انا اسأل .. وين هالوقت ... وداه !

تعال فتّش عن سجيـن .... المحانـي !واليا لقيته ذكّره بس ............. بالله !

إني عطيته .. دمعتينـي ../.. حنانـي !واني وهبته ... من جنوني .... معانـاه

وقله مدامـه راح عنـي ... ونسانـي !مثله بسوي ! ... ببتعد عنه ... وانساه

وخله يعد اليـا رحلـت ..... الثوانـيوخلّه يموّل صح .. لاغبت / .. ويلاااه !

واذا يبي موتـي .... دخيلـك ترانـي !مثله أبيه ! ... وعلّني بس ... ألقـاه !

وقلّه غديت اليـوم .. إنسـان ثانـي !شاعر جريح ... وكل هالناس ... تقـراه

وما كل شخص ٍ .. لاقراني .. قرانـي !ولاكل حلم ٍ مرني ..... أطلب رضـاه !

ولاجيـت ادور للحقيقـه ... معانـي !جيت اكتم بصمتي ... سخافات الافواه !





.

[شَتاتْ أُنْثَى]

يمه وينك ...!؟




يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !


طفلتك ماعاشت " إحساس" الطفولة !
............. فاقده في هالزمان ... إحساسها !

شافت إن الصبح ..... ماتقدر تطوله !
............. وازفرت .. ونّه ! ورى أنفاسها !

واحضنت هالليل والورد ..... وذبوله !
............ لين مانامت ...... على كراسها !

ماستحى منها الحزن .... هاك الخجولة

............ ولاطرى يرحل ويبعد ... ياسها !

فيه شي ٍ لو قدرت إني ....... أقوله !
............ كان شفت الناس ... حبّت ناسها !



يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟

[خالد الأعرج]

ما شاء الله تبارك الله

يعطيك العافيـــــة ـــ جمال الروعـــــة بركات

و نقل رآئع شتات ،، بارك الله فيك

[شَتاتْ أُنْثَى]

ما شاء الله تبارك الله

يعطيك العافيـــــة ـــ جمال الروعـــــة بركات

و نقل رآئع شتات ،، بارك الله فيك

أتفق معاك في وصف الـ بركات


يفوق الجمال


شكراً لحضورك سيدي

.

[شَتاتْ أُنْثَى]

:

( المزهريه )


>>نص يُدميني \ يميتني



لا ظميتك أشربك واظماك أكثر
وإن فقدتك ..
أتبعثر..
واتبعثر ..
واااتبعثر
تذكرين وإلا نسيتي ...
يابعد حيي وميتي
يوم أشرتي على قلبي وقلتي لي ...سؤال ؟؟
((( هذا بيتي )))....؟؟؟؟!!!
يومها غنيت للصبح
الأغاني
يومها زفيت للشوق
الأماني
تذكرين ....
يوم جيتي تسألين
عن طفل يسكن ضلوعي
كيف حاله .... ؟؟؟
وش جراله ...؟؟؟
وانا جاوبتك..." حزين " !
في بعادك
لملمه ذاك الشتات
حي لكن أغلبه
يابنت ..... ماااات
تذكرين المزهريه !؟
يوم جبتيها ...هديه !؟
وأنتي قلتي :
" ياحبيبي هذي لك ..بس أنت ليّه " !
واذكر إني بلا شعور
قلت
واشواقي تفور
أعطني حريتي ..(( بس )).. لاتطلق يديّه !



.

[محمدالقاضي]

ياسلام ياسلام من جد نص راقي وكبييير جداً

بركات هذا مُـلهم ويمتلك موسيقى تمكنه من الإبحار مع النّص دون التقيد بقيود قديمة

تذكرين وإلا نسيتي ...
يابعد حيي وميتي
يوم أشرتي على قلبي وقلتي لي ...سؤال ؟؟
((( هذا بيتي )))....؟؟؟؟!!!

تذكرين المزهريه !؟
يوم جبتيها ...هديه !؟
وأنتي قلتي :
" ياحبيبي هذي لك ..بس أنت ليّه " !
واذكر إني بلا شعور
قلت
واشواقي تفور
أعطني حريتي ..(( بس )).. لاتطلق يديّه !

بركات أيُّ ماردٍ يسكن أعماقك بعث لنا كلّ هذا الجنون ..!!


دمتِ ياشتات لكي تشبعي نهمنا بروائع بركات الرائع ...

وأعذريني لوأطلت الإقامة هنا فقد أسرني المكان ..

[شَتاتْ أُنْثَى]

^

ذلك لا يدل الا على أنك تمتلك ذائقة

مترفة

.

[شَتاتْ أُنْثَى]

:

كان لـ بركات الشعر



حضور ( الملك )


في شاعر المليون


بفاتنته


( جانا الليل ..!!)

،




قم ولّم الإحساس .. جانا الليـل
رتّب حنينه .. شبّ مصباحـة !!
الصب ... صب وأغرق المنديل !
والموت عينه .. عين لمّاحـه !!
لانام جرحه .. أشعل الـقنديل !
شف كيف تصحى باقي جراحه !؟
ولاحط ( آهه ) في يدينك/ شيل !
ياشين ! حِس ّ شلون صدّاحـة !
واحضن دموعك بالخفا/لاقيـل :
( ماكل وردة حب ... فواحه ) !!
وقل للمواجع : أصبري .. والويل
للي خذاه البعد ..... وارياحـه !
وقل للأماني : لاعطاك ِ السيـل
للحين فينا .... منتي مرتاحـة !
قلّي : أحبك : قل : أحبـك حيـل
خل الطعون اتعيش في راحـة !
تعال أقهويك الـهـلا والـهيـل
وافتح لك الحفّاق .. واجتاحـه !
عاشقك شاعر من ظهور الخيـل
شاعرك عاشـق حـب ّ ذبّاحـة
يبرق لك الاوجاع كان تخييـل !
وبرق المواصل فيك مـا لاحـة
ذبح لك عيونه عشـان تسيـل !
ولحّنك ( غنوة مأتم افراحـه ) !
يرسم عيونك للجـدي وسهيـل
ويعد ْ بسمك حـب ْ مسباحـه !
أغناه حظـه بالتعـب / وبْخيـل
حظ ٍ حرمه يموت في راحـه !!
يالله تعال انموت / جانـا الليـل
خل الحنين .. وخل مصباحـة !!
ماطاح من كتف الليالي حيـل !
بس طاحت من الروح تفّاحـة !!

/


فاله البيرق


.

[محناب]

يال روعة هذا الشاعر وإحساسه
شتات شكرا بحجم شاعرية الكمات التي تسكن هنا
دام ألقك

[شَتاتْ أُنْثَى]

يال روعة هذا الشاعر وإحساسه
شتات شكرا بحجم شاعرية الكمات التي تسكن هنا
دام ألقك

وشُكراً لتواجدك .. يا رجُل




،


دعوة للغرق يا سادة



كونوا هُنا


.