عروبتنا !! (( بطولة دور)) ....؟؟؟

[برنسيسة الخيال]

شعور وحقيــــــــــــقة !!


وفقط هذا النص .....

هنا صوره .. ملامحها تثير من الشعور شعور = هنا مآساه .. من غفوه تنبهني وتصحيني !!
عليك الله وذي صوره تخلي هالركود ( يثور ) = حقوق انسان يا عالم من اعظم ما شرع ديني !!
هنا ما هي ( بطولة فلم ) هنا ما هي ( بطولة دور ) = هنا ( شكل ) الحقيقه في مداهيل (المضاميني ) =
هنا .. كان الحزن وافر هنا كان الأمل ميسور = هنا .. كان الهلاك اعظم يقربنّي ويدنيّني
( ولد ) يبكي على اُمه جريح وخاطره مكسور = يردد يُمه آنا أرجوك دخيلك لا تخليني !!
كأن (الوقت) قدامه تباريح وألم وقبور = يقول : اختر هنا قتلك من ارماح وسكاكيني ؟
في موقف موت لا مداوي ولا معالج ولا دكتور !! = يقول أمي دخيل الدمع .. بداويك وتداويني
( ولد ) فج الحزن صدره ينوح اليا شكى معذور = كأنه يقول : يا يُمه ابقطف لك شراييني ..
رغم حالي رغم عجزي شواهد دمعي المنثور = ابي تبقين يا يُمه .. اواسيك وتواسيني
حرام تصير نهايتنا احد عايش .. واحد مقبور = نعيش وكلنا واحد أو اليا الموت .. وديني
يا يُمه .. خافقي ينزف وكن صدري على (دافور) = من ( اسباب الهلاك ) اللي يوريك ويوريني
كأن ( الظلم يزرعني ) على أرض اليباس البور = كأن ( التيه وأشكاله ) سكن ما بيني وبيني
لبست من الوجع ما لا لبسه النازف .. المنحور = يا يُمه ليه أشوف الحال ؟ يقلّب لي موازيني
دخيل العطر يا يمه في ثوبك ( ريحة الكافور ) = تخالط ريحك ودمك على دمي .. وبكت عيني !!
يفور الدمع ويتساقط .. وانا عيني معاه تفور = اصيح .. ولا بقى بي عزم الا وش هو بقى فيني ؟
هنا يمه وانا آتامل !! وآتألم الين النور = بكاني مثل ما ابكي ؟ حزين وصار يبكيني
يا يُمه .. طالبك تكفين حرام آعيش انا مقهور = ابي تبقين يا يُمه .. دخيلك خايف سنيني
غمرني اليأس يا يُمه كأنه عاش فيني دهور .. = ترى صمتك يا يمه كان يطول زياده يذييّني ..
عروبتنا صباح الدم كثر ما غرد العصفور = صباح ٍ ما خفى ذله ولا يبغى براهيني !!
عروبتنا فـ سبات ٍ طال .. بلا رأي ٍ ولا دستور= نعيش الذل ويتحكم .. بنا أرباب المعاديني
هنا لو هالزمن يرجع يلف شوي .. ثم يدور = ويرجع ماضي الآمجاد من أنصار المسلميني ..
ايا وجدي على وقت ٍ .. نشيّد به فلل وقصور = على الماضي .. قبل ما احنا نضيّع به العناويني
عروبتنا يا وقتي ليه نسكت واليهود تجور !! = عقب نصر ٍ لنا فايت غدينا احنا المساكيني
عروبتنا ترى طوّل لهيب النار (فالتنّور) = واذا عشنا كذا ربي يجازيك ويجازيني ..
بشر منسي فـ هالدنيا .. بشر آمر .. بشر مأمور = بشر والا بلاش آقول ؟ ترى ما فيني يكفيني !!

الشاعر / متعب بن فهد

[همس الروح]

عزيزتي برنسيسة

سلمت اناملك للنقل الجميل

مع انه موجع ويوقظ موانيء الاحزان

وصح لسان الشاعر

دمتي بود

مون لايت

[برنسيسة الخيال]

عزيزتي برنسيسة

سلمت اناملك للنقل الجميل

مع انه موجع ويوقظ موانيء الاحزان

وصح لسان الشاعر

دمتي بود

مون لايت

الله يسلمك من كل مكروه غاليتي مون لايت

يسعدني دائماً مرورك العذب

تقبلي مودتي