..// يا شماتة أبلا عطيات فيك يا " شتات " !!
..
أول شي ..
لحد يتشمت ... عشان ما يصير لكم اللي صار لي
هذا أنا .. أقصد هذي أنا الله يسلمكم من يوم الأربعاء وأنا شايله هم
ومعايا رجفه .. ومو قادره أذاكر من الخوف
عندي اختبار ( رياضيات )
وأمس كنت في قمة ( انشكاحي ) <<<
والمطر ينزل .. والجو جميل وشاعري
وأنا مقابله كتابي
وأنواع الطفش والقلق ومسدوده نفسي
والماده دسمه ومو هينه مادة تخصص ترفع المعدل وتنزله
قررت أنا أختكم في الله اني أخلي فصلين أذاكرهم الفجر
وفعلاً ( رقدت )
بس اللي ماكان في الحسبان ولا خطر عـ البال
اني قمت من النوم متأخر مره .. وما يمديني حتى أفطر
لبست على عجل وأخذت قلم أزرق وتوكلت على الله
والله كانت الدنيا برد .. وأنا ما لبست غير قميص وبلوفر
واستحملت زحمة خريص .. وغثاثة الدايري
كل ذلك في سبيل طلب العلم
دخلت الجامعة
على غير العادة .. ما في أحد يستقبلني
أدور يمين يسار .. مافي صديقاتي
خفت ان ساعتي خطأ والإمتحان فاتني
سألت بنت مرت قلت لها كم الساعه .. قالت لي 7:30
والامتحان 8 .. أكيد تأخروا البنات
خليني أمر عـ الكفتيريا أشتري شي حار وأذاكر الين وقت الإمتحان << رايقه
مريت واشتريت فطور وجلست وفتحت وطلعت تمارين وبديت أحل
وفي عز انسجامي مع الكتب أسمع اسمي
بديت أتلفت نعم مين
كيفك أخبارك .. خير ان شاء الله ليش جايه ( انتي ما تاخذين كيح ) ليش ما جلستي في البيت تذاكرين ( ريض ) ولا كل هذي دفاره انتي ووجهك
أنا
يا بنت ( كيح ) ايش اليوم سبت ريض
لا يا مفهية التاريخ تغير .. الناس يمشون على أم القرى
أقسم بالله حسيت الدنيا صارت ألوان .. وحسيت اني أحلم
أقول لها طيب عطيني كف .. كبي مويه سوي أي شي
وأتصل على أهلي << طبعاً ما تهزأت ولا شي بالعكس قالوا لي انتي مره بطله والله يكثر من أمثالك
اتصلت على والدي العزيز الطيب وقال لي طيب يا قلبي أجيك ذحين << ما قال لي يا فاغره ترى
ذحين كانت الساعه 8 وما وصل الجامعه الا الساعه 9:49 دقيقه مع ان بين الجامعه ودوامه اشاره
بس أهم شي انه جاني
ووصلت الى البيت سالمه ولله الحمد
لكن المشكله الرئيسية تكمن في أنه أضيف لألقابي لقب ألا وهو ( فاغره )
طول الطريق وأنا أسمعها
وأمي قالتها ... يعني ايش يفكني من هذا اللقب
وبس .. حبيت تشاركوني الموقف .. لأني أحس انه حلم
ملاحظه هامة :-
لكل جواد كبوة
بس خلاص .. يا شماتة أبلا عطيات فيني
مع تحياتي ( الفاغره )
.
|
 |
رد مع اقتباس
المشاركة الأصلية كتبت بواسطة الحلم
