بسم الله الرحمن الرحيم
الله يمسيكم بالخير والسعاده
والله يالربع انا اول ما سجلت هني الظاهر .. لا والله مو الظاهر .. إلا اكيد كنت فال شر على اخوي "بو عمر"
وبعد ما نشرت الخبر حسيت اني ضيقت خلوقك وزهقتكم
قبل امس انا ما دخلت هني من باب الفراغ ولكن عشان اضيف شوية جو كان صافي وعكرته عليكم
كتبت موضوع والحمدلله حصلت منكم ردود طيبه وهذا شي مو غريب عليكم
وكتبت ردود على بعض الاخوه كبدايه متواضعه مني
ولكن
هنا مربط الفرس
أتمنى فعلا ان دخلتي عليكم هني تكون دخلت خير
ليش؟
لاني حالياً خاصةً بعد ما تعدى اخوي "بو عمر" مرحلة الخطر
صرت مهيأ نفسيا ومعنويا نوعاً ما إني ادخل في اي وقت ابيه
سواء من الدوام او من البيت
ولكن يالربع عندي احساس انكم اول ما تشوفوا " روح القلم "
متواجد هني تحسوا بغثيان وكدر وضيقة خلق
لكن من اليوم ورايح
لأ لأ
قصدي من باكر انشاءالله راح اجيب لكم الاخبار الطيبه
لاني عاهدت نفسي إني اكون صادق معاكم في العلوم اللي اجيبها بخصوص "ابو عمر"
والسبب يرجع لتعاطفكم الغير طبيعي الغير متوقع مع ما اصابه
طبعاً الليله هي بتكون آخر ليله اعطيكم فيها خبر يمكن يكون سيئ
لكن باكر إنشالله بإذن واحد احد تكون النتيجه طيبه
يارب
"بو عمر "
قوة الحادث سبب كسور متفرقة في انحاء جسمه وكلها انشاء الله بسيطه
بس المشكله هي ان هناك ثلاث فقرات في الظهر مفتوحه
غدا صباحا راح يدخل غرفة العمليات عشان يجري عملية في الظهر
هذا ما قاله الطبيب باصرار بانه لابد من اجراءالعملية بسرعه
فدعواتكم يا الربع
( عــــــــلامــــــات إســتفهــــــــام )
قصيده
هي مني اهداء لكل من تقع عينيه عليها
عقب البطا والشوق والجرح القديــــم ........عقب الدمـوع البيض للصـفحه .. رِجـعت
عقب الجنون المنطقي والرأي الحكيم .......عقب السؤال المبهم براسي .. فِـزعت
عقب الجنوح العاطفي ..فيني وضيم.......عقب النهوض القهقري صـوتك .. سِمعت
عقب الشموع الباكيه وليل ٍ بهيـــــم ........عقب السطـور العاريه (لوحه) .. صنعت
فيها الظمى فيها العطش دِيمه وغيم ........فيها الصـحاري يانعه وفـيها .. رتعت
فيها مطر وايضاَ قـمر وجـهه ذميــم ........فيها السمـوم البارده ومنها .. شبعت
فيها النجـوم الشامخه تحت الهشيم ........فيها الجبال الهاويه ومعها .. وقعـت
فيها النَسب عندالبشر آل العقيــم ؟ .......فيها الطفل لامن أمر أشـّـر.. وطـعت
فيها البخيل المعطي .. لكف الكريم ....... فيها الفقير بحاجة العطف .. ومنعت
فيها جواب إستفهم بعـقل الفهيم ......... فيها سؤال وعارفه.. ولأجله .. رجـعت
أخوكم
"روح القلم"
