بنتٍ في مواقفها رجولة
يابعد كل الرسايل هالرسالة=توّها ماكملت عمر الطفولة
طفلةٍ فيها العطر ياطول باله=وده ايفوح .. ويبوح وهي خجولة
مثل طبع اللي كتبها من دلاله=في مسافات الزمن واربع فصوله
دالهٍ لاجيت اشوفه .... شاف حاله=ماتهيـّـا منـْـه لو نظره عجولة
صار عندي راس مال , وراس ماله=ضحكةٍ معها عقلْ بس امهبولة
لاضحك في مسمعي كني قباله=كني اقطف ورده وعقده ولوله
واحبس ابعيني خيالٍ من جماله=وارفع لسمعي يديْ كني بـ اطوله
وارسم لزوله شكلْ يشبه خياله=في خيالي ... والا انا ماشفت زوله
كلما حرّمْته .. القاني حلاله=وكلما عنـْـه ابتعد قرّبت أنوله
كنت افكر مره القى لي بداله=دام وصله صعب .... والأصعب وصوله
قلت :يالله نفترق ... كلن وفاله=قال:يالله.قلت:لحظة! من يقوله؟
أطري الفرقا وأنا مامن صماله =وأدري انْ فرقاه ماهيب بهالسهولة
كم عذولٍ قد عذلني في وصاله =ومن عذلني قلت له نفس المقولة
مايخلـّـي حاله الرجال حاله =غير بنتٍ في مواقفها رجولة
رشيد الدهام
|
 |
رد مع اقتباس
