اذا احترمت المكان احترمت أهله
وأنا أتصفح في المنتديات والنت وجدت موضوعا عن :
ظاهرة اصطياد الفتيات من المنتديات وربما العكس احيانا
تكرر كثيرا الموضوع ا ولا ننكر انه معاناة تواجه الكثير من المنتديات وزوار المنتديات خصوصا مع المراهقة الغريبة التي لا تنتهي الا في الاربعين أو حتى الستين
المهم أعجبني في الموضوع رد من الردود
سأنقله هنا :
__________________________________________________ _______________
كلامك صحيح وفيه كثييييييييير من هذه الفئه سواء كانوا شباب مرضى أو بنات مخفات
أنا ما أنكر أنه فيه بنات كثير لو سمعوا أي كلمه خلاص تطير من الفرحه وتصدق عمرها بالذات البنات الصغار
وما عندها رقابه من الأهل ولا تملك خبرة في الحياة
وبنفس الوقت فيه شباب كثير كل شي يفسره غلط وكل شي يفهمه غلط ،، تفكيره ضيق ما يشوف إلا شي واحد فقط
البنت بطبيعتها أسلوب كلامها يختلف عن أسلوب كلام الشاب ،، والشاب ما يدرك هذا الشي أول ما يشوف بنت تقول له كيف الحال وينك إلا قال هذه تبغى تتعرف !!
يا شباب صفوا عقولكم وصفوا نيتكم ،، شوفوا البنات كأخوات لكم ،، لا تفكروا أن رد بنت لموضوعك او تعليق على ردك انه لشخصك
مو كل البنات مثل ما تفكرووون وتظنون
والمشكله إن أسلوبهم وااااااااااااااااضح للأعمى ،، يعني بالعقل لما عضو يرسل لعضوه ويقول لها وااااااااو موضوعك رائع واسلوبك رائع
طيب متعب نفسك ليه وراسل خاص عندك الموضوع علق على كيفك !!
وكمان فيه بنات مرضى يبحثووون عن هذا الشي ويكونوا واضحين ومافي حدوود عندها في كلامها مع الشباب وتجدها هي من تبادر !!
مع العلم أن الحدود تختلف من فرد لفرد ،، مو معناته أن حدوده تسمح له اكثر من الآخر يعتبر ممن يبحث عن العلاقات !!!
البنت لازم تنتبه لأسلوبها في التخاطب مع الشباب وتبتعد عن اللين والمزح الزايد لأنه فيه شباب مرضى يفهمونها غلط
وفيه شباب يعملون حالهم محترميين واحنا مو من النوع اللي يأذي بنات الناس ولا من النوع اللي يحب يتعرف وعنده مبادئ ويخاف ربه وتشوف توقيعه تلاقيه راز إيميله
وتلاقيه يطلب إيميل البنات بحجج واهيه واللي ترفض يرجع يقول لا انا مو من النوع اللي مفكرته وانا واحد محترم وانتي فهمتيني غلط وانا اخاف ربي واللي تعطيه وجه ينسى كل مبادئه وينسى انه حراااااام
الإنترنت مو عشان التعارف ولا عشان تكوين علاقات بين الجنسين ولا عشان الحب ولا البحث عن النصف الثاني ،، ارتقوا في تفكيركم وروحكم شويه واستفيدوا من الأنترنت بطرق سليمه ،، الأنترنت ثقاااافه أنسوا انه يكون وسيلة تعارف وتواصل مع الجنس الاخر
لكن لو ترجعوون للنسب والأكثريه تلاقوون الشباب هما الأكثر في البحث والأصطياد
والشباب هم أكثر من يبحثوون عن متعتهم مثل ما قال نسيم ،، والمنتديات المفروض ما تكون مكان للباحثين عن هذا الغرض
انا راح أكووون صريحه هنا :::
لو نتكلم عن أقسام المنتدى أكثر قسم يعتبر مرتع للباحثين عن العلاقات هو قسم الشعر والخواطر
إهداءات تلاقي إهداء رايح وإهداء جاي وبعضهم الحياء ممسوح من وجهـهم كاتب بالأسم إهداء للعضوه فلانه ولا العضو فلان !!
فيه ناس عندهم مواهب فين يكتبونها إذا كتبوا شي من كتاباتهم فهموها شي ثااني وبشكل شخصي
الأقسام هذه وضعت لناس عشان تشجعهم على الكتابه وتنميه مواهبهم لكن للأسف المرضى ما تركوا شي
القسم الثاني في المرتبه هو قسم الألعاب
مع احترامي الشديد فيه العاب سخيييييييفه والمغزى منها واضح انه تعارف وياليته تعارف بشكل محترم بالعكس اسلوب سخيف الواحد يخجل انه يلعب فيها بصراحه
والمفروض المشرفين يحذفوا الألعاب اللي ما تليق بالذووق العام لأنهم بيتحاسبون لأنه هذا الشي من ضمن مسؤلياتهم
وفيه شي انا مستغربه منه كمان من اقسام المرأه اجد الشباب يشاركون ويتفاعلون مع المواضيع ينزل مواضيع أحلى واجمل الفساتين مثلا
ولو امه او اخته او زوجته قالت له ايش رايك بهذا الفستان يقول انا ايش فهمني بأغراضكم !!! خخخخخخخخخخخخخ
في الأخير ارجع أقول انه صح فيه بنات ممكن ينضحك عليهم وتنجرف في شي وهي مو واعيه له وفيه شباب كمان على نياتهم ممكن بنت تخدعه بسهوله
والعكس موجود كمان
المهم
الدنيا يتاح للأنسان فيها عمل ما يشاء وبيده أن يختار ما يفعله إن كان صواب أو خطأ إن كان حلال أو حرام
إن كان راقي أو واطي
والجزاء من جنس العمل
إن لم يكن في الدنيا فهو في الآخره لا محاله
نسأل الله أن يهدي الجميع ويثبتنا على دينه وأن يبعدنا عن كل مكرووه وعن كل شر ويبعد عننا ضعاف النفووس المريضه
نسيم الرياحيين شكرا لك وفقت في الموضوع جزاك الله خير
قد يكون موضوعك تنبيه لبعض الفتيات الغافلات والشباب المرضى
__________________________________________________ _______________
كان الرد شيئا من الخيال
رد في موضوع ولكنه كان عن ألف موضوع
شكرا لكم
|
 |
رد مع اقتباس
المشاركة الأصلية كتبت بواسطة عجاج ابوالليل
